Hrogn

Caprae

Þau hrogn sem notuð eru við framleiðslu hjá Vigni G. Jónssyni ehf., dótturfélagi Brims, eru meðal annars hrogn úr grásleppu, loðnu, flugfiski, þorski, ýsu, löngu og ufsa. Fyrirtækið hefur yfir að ráða öflugri fullvinnsluverksmiðju á Akranesi. Stærsti hluti framleiðslunnar er seldur til Evrópu og Bandaríkjanna. Þorskhrogn eru unnin daglega meðan á vertíð stendur. Þau eru hreinsuð, snyrt og flokkuð í afurðaflokka. Grásleppa er keypt af smábátum sem landa daglega. Hrognin eru tekin úr grásleppunni, hreinsuð og söltuð. Úr söltuðu hrognunum er kavíar unninn og honum pakkað í glerkrukkur undir ströngu gæðaeftirliti. Masago og Tobiko eru afurðir sem eru vinsæl í susi. Masago er unnið úr loðnuhrognum en Tobiko úr flugfiskahrognum. Helsti munurinn á milli þeirra er áferð, stærð og bragð hrognanna.