Í ágúst á hverju ári býður Brim starfsfólki og fjölskyldum þeirra í Fjölskyldu- og húsdýragarðinn. Frítt er í tækin og boðið er upp á grill og ýmsa skemmtun.

Í miðbæ Vopnafjarðar er gamalt hús sem hefur í gegnum tíðina hýst fiskvinnslu, sláturhús, bílaverkstæði Kaupfélags Vopnfirðinga og fiskmarkað. Húsið hefur staðið autt sl. ár, en 2023 festi Brim kaup á húsinu og hyggst nota það undir ýmis samfélagsverkefni. Nú þegar hafa listamenn og félagasamtök komið sér fyrir í húsinu með starfsemi sína auk þess sem húsið hefur nýst undir skemmtana- og viðburðahald.

Fjömennt var á Norðurgarði á sjómannadaginn þar sem Brim bauð gestum að skoða endurvinnslustöð félagsins, frystitogarann Viðey RE50 og að smakka ljúffenga Brims-fiskisúpu. Þar að auki kom fjöldi listamanna kom fram á sviði við höfuðstöðvar Brims en hátíðardagskrá sjómannadagasins var í boði Sjómannadagsráðs, Faxaflóahafna og Brims. Brim styrkir einnig sjómannadagshátíðarhöldin á Vopnafirði.

Brim, Faxaflóahafnir og Sjómanndagsráð héldu veglega hátíð á Grandanum á sjómannadaginn.

Tillaga frá arkitektastofunni Arkþing/Nordic og Eflu verkfræðistofu hlaut fyrstu verðlaun í veglegri hugmyndasamkeppni um framtíð Breiðarinnar á Akranesi neðst á Skipaskapa. Tillagan ber heitið Lifandi samfélag við sjó og gerir ráð fyrir blandaðri byggð fjölbreyttra íbúða og atvinnusvæðis þar sem nýbyggingar tengjast endurnýttum eldri byggingum.

Brim gerist bakhjarl Hins íslenska bókmenntafélags til næstu fjögurra ára og styrkir félagið um 16 milljónir króna á því tímabili.

Brim í samstarfi við Íslandsbanka gefur út skuldabréf sem falla undir sjálfbæran fjármögnunarramma félagsins og eru kennd við grænan og bláan lit. Með útgáfu skuldabréfanna fjármagnar Brim verkefni sem stuðla að sjálfbærni og hafa jákvæð áhrif á umhverfið og snúa blá skuldabréf að verkefnum tengdum hafi og vatni. Skuldabréfin eru fyrstu sinnar tegundar sem gefin eru út af Brimi og jafnframt þau fyrstu á Íslandi sem falla undir bláan og grænan fjármögnunarramma.

Samfélagsstefna Samtaka fyrirtækja í sjávarútvegi undirrituð.

HB Grandi birtir sína fyrstu samfélagsskýrslu fyrir árið 2017, samhliða ársskýslu. Félagið er jafnframt fyrsta sjávarútvegsfyrirtækið á Íslandi til að gefa út samfélagsskýrslu.

HB Grandi fær loftslagsviðurkenningu Reykjavíkurborgar og Festu. Marshallhúsið hlýtur hönnunarverðlaun Íslands og Þúfan hlýtur fegrunarviðurkenningu Reykjavíkurborgar.

HB Grandi og önnur fimm fyrirtæki á sviði sjávarafurða gerast bakhjarlar (funding partners) samtakanna Global Sustainable Seafood Initiative (GSSI). Markmiðið með starfsemi GSSI er að auka gagnsæi í vottunum um sjálfbærni í sjávarútvegi og fiskeldi. Auðvelda þannig samanburð og efla traust og stuðla þannig að upplýstu vali í viðskiptum með vottaðar sjávaarafurðir.

Ráðist í endurgerð á Marshall húsinu og samið við Reykjavíkurborg um að leigutryggja verkefnið. Í húsinu verður aðsetur Nýlistasafnsins og listamannarekna gallerísins Kling og Bang. Einnig verður þar vinnustofa og sýningarrými Ólafs Elíassonar. Á neðstu hæðinni er veitingastaður.

HB Grandi hf. gerist aðili að Festu, þekkingarmiðstöð fyrirtækja um samfélagsábyrgð. Félagið lítur svo á, að aukin árhersla verði á komandi árum á samfélagslega ábyrgð en það hefur verið metnaður félagsins að öll starfsemi endurspegli ábyrgð gagnvart umhverfinu og samfélaginu sem það starfar í.

Listaverkið Þúfa sem stendur við vestanverða innsiglinguna að Reykjavíkurhöfn, gegnt Hörpu eftir Ólöfu Nordal myndlistarmann vígt. Verkið er afrakstur samkeppni sem HB Grandi efndi til í samvinnu við Samband íslenskra myndlistamanna (SÍM) og Faxaflóahafnir í tengslum við byggingu frystigeymslunnar Ísbjarnarins.

International food standard (IFS) alþjóðlegt matvælavottunarkerfi tekið upp á Vopnafirði. Með því hefur HB Grandi tekið upp samræmt gæðastjórnunarkerfi í landvinnslum sínum.

Sá merki áfangi náðist í íslenskri sjávarútvegssögu að veiðar Íslendinga á þorski innan íslensku fiskveiðilögsögunnar fá alþjóðlega vottun IRF, um það að veiðarnar séu í samræmi við ströngustu kröfur um ábyrga fiskveiðistjórn, sjálfbæra nýtingu og góða umgengni um auðlindir sjávar.

Grandi hlýtur viðurkenningu frá fræðsluráði Reykjavíkur fyrir framlag Granda til fræðslumála vegna Grandadagsins.

Árlegur Grandadagur haldinn hátíðlegur undir yfirskriftinni „Fiskur já takk“ um 2.000 manns heimsóttu fyrirtækið af því tilefni. Fleiri en 15.000 börn hafa heimsótt félagið frá því fyrst var haldið upp á daginn 1989. Auk grunnskólabarna heimsóttu 70 eldri borgarar frá félagsstarfi eldri borgara Gerðubergi Granda.

Haldið var upp á 10 ára afmæli Granda 17. nóvember með margvíslegum hætti. Meðal annars ákváðu forráðamenn Granda að minnast afmælisins með því að gefa tvær milljónir króna í forvarnarstarf SÁÁ.

Öllum 11 ára nemendum frá grunnskólum borgarinnar boðið í heimsókn í fiskiðjuverið Norðurgarði til að kynnast sjávarútvegi og vinnslu sjávarafurða. Smá vinnsla var í gangi og auk þess var sýning tengd veiðum og vinnslu sett upp á göngum og í matsal og boðið var upp á fiskibollur. Mikill metnaður var lagður í daginn og flestir starfsmenn virkjaðir í móttöku þessara ungu og skemmtilegu gesta.