Brim Árshlutareikningur 31.03.2021.pdf

Afkoma Brims hf F1 2021.pdf

Brim fjarfestakynning F1 2021.pdf

Brim Árshlutareikningur 30.06.2021.pdf

Afkoma Brims hf F2 2021.pdf

Brim fjarfestakynning F2 2021.pdf

Brim Árshlutareikningur 30.09.2021.pdf

Afkoma Brims hf F3 2021.pdf

Brim fjarfestakynning F3 2021.pdf

Brim Árshlutareikn 31.03.2020.pdf

Afkoma Brims hf 1Q2020.pdf

Kynning 1F 2020.pdf

Brim Árshlutareikn 30.06.2020.pdf

Afkoma Brims hf 2Q2020.pdf

Kynning 2F 2020.pdf

Brim Árshlutareikn 30.09.2020.pdf

Afkoma Brims hf 3Q2020.pdf

Kynning 3F 2020.pdf

Ársreikningur Brims_hf 2020.pdf

Afkoma Brims hf 2020.pdf

Brim - fjarfestakynning 4F 2020.pdf

HB Grandi Árshlutareikn 31.03.2019.pdf

Brim Árshlutareikn 30.06.2019.pdf

Brim Árshlutareikningur 30.09.2019.pdf

Ársreikningur Brims 2019.pdf

Afkoma HB Granda hf 1Q2019.pdf

Afkoma Brims hf 2Q2019.pdf

Afkoma Brims hf 3Q2019.pdf

Kynning F1 2019.pdf

Brim fjarfestakynning-2f-2019.pdf

brim-fjarfestakynning-3f-2019.pdf

Árshlutareikningur 31.03.2018.pdf

Árshlutareikningur 30.06.2018.pdf

Árshlutareikningur 30.09.2018.pdf

Ársreikningur HB Granda 2018.pdf

Afkoma HB Granda hf Q1 2018.pdf

Afkoma HB Granda hf 2Q2018.pdf

Afkoma HB Granda hf 3Q2018.pdf

Afkoma HB Granda hf 2018.pdf

Kynning F1 2018.pdf

Kynning F2 2018.pdf

Kynning F3 2018.pdf

Kynning F4 2018.pdf

HB Grandi Árshlutareikn 31.03.2017.pdf

Árshlutareikningur 30.06.2017.pdf

Árshlutareikningur 30.09.2017.pdf

Ársreikningur HB Granda 2017.pdf

Afkoma HB Granda hf 1Q2017.pdf

Afkoma HB Granda hf 2Q2017.pdf

Afkoma HB Granda hf 3Q2017.pdf

Afkoma HB Granda hf 2017.pdf

HB Grandi Kynning á F1 2017.pdf

Kynning á F2 2017.pdf

Kynning á F3 2017.pdf

Kynning á F4 2017.pdf

Árshlutareikningur 31.03.2016.pdf

Afkoma HB Granda hf 1Q2016.pdf

HB Grandi - fjarfestakynning 1F 2016.pdf

Arshlutareikningur 30.06.2016.pdf

Afkoma HB Granda hf 2Q2016.pdf

KynningF2_2016.pdf

Arshlutareikn_30.09.2016.pdf

Afkoma HB Granda hf 3Q2016.pdf

HB Grandi - fjarfestakynning 3F 2016.pdf

Arsreikningur HB Granda 2016.pdf

Afkoma HB Granda hf 2016.pdf

Kynning á F4 2016.pdf

HBGrandi_Arsskyrsla2016.pdf

HBGrandi_Arsskyrsla 2015.pdf

Ársskýrsla 2014.pdf

Ársskýrsla 2013.pdf

Árshlutareikningur 30.06.2012.pdf

Ársskýrsla 2012.pdf

Ársskýrsla 2011.pdf

Ársskýrsla 2010.pdf

Árshlutareikningur 31.3.2015.pdf

Árshlutareikningur 30.06.2015.pdf

Árshlutareikningur 30.09.2015.pdf

Kynning á 1F 2015.pdf

Kynning á F2 2015.pdf

Kynning á F3 2015.pdf

Kynning F4 2015.pdf

Árshlutareikningur 31.03.2014.pdf

Árshlutareikningur 30.09.2014.pdf

Kynning á F1 2014.pdf

Kynning á F2 2014.pdf

Kynning á F3 2014.pdf

Kynning á F4 2014.pdf

Árshlutareikningur 30.06.2011.pdf

Árshlutareikningur 30.06.2010.pdf

arsreikningur-brims-2021.pdf

brim-fjarfestakynning-f4-2021.pdf

afkoma-brims-hf-2021.pdf

afkoma-brims-hf-1f-2022.pdf

brim-fjarfestakynning-f1-2022.pdf

brim-arshlutareikningur-31-03-2022.pdf

brim-arshlutareikn-30-06-2022.pdf

afkoma-brims-hf-2f-2022.pdf

Akurey var smíðuð árið 2017 í Tyrklandi.

Sjálfvirkt lestarkerfi er í skipinu og er það verk unnið af Skaganum 3X á Akranesi.

Viðey var smíðuð árið 2017 í Tyrklandi og kom til heimahafnar 21.desember 2017.  Sjálfvirkt lestarkerfi er í skipinu og er það verk unnið af Skaganum 3X á Akranesi.

Helga María var smíðuð árið 1988 í Flekkefjord í Noregi.

Vigri var smíðaður árið 1992 í Flekkefjord í Noregi.

Venus var smíðuð árið 2015 í Celiktrans í Tyrklandi.

Víkingur var smíðaður árið 2015 í Celiktrans í Tyrklandi.

Svanur var smíðaður árið 1999 hjá Sanab & Slipen Mek Verkstad As.

Smíðuð árið 1987 af Langsten Slip & Båtbyggeri A/S

Smíðuð 2001 af Myklebust Mekaniske Verksted

Ávöxtun fyrirtækja í sjávarútvegi er eðlileg að mati ráðgjafafyrirtækisins Jakobsson Capital. Í skýrslu sem fjallað er um á Innherja og í Morgunblaðinu segir að ávöxtun þeirra þriggja félaga sem skráð eru í kauphöll, Brims, SVN og Ísfélagsins, hafi verið 9,1% að meðaltali síðasta áratug. Jakobsson Capital telur að sökum stærðarhagkvæmni sé rekstrarhagkvæmni hvað mest í greininni hjá ofangreindum félögum. Ef kemur til hækkunar veiðigjalda, sem ríkisstjórn Kristrúnar Frostadóttur hefur boðað, mun ávöxtun lækka niður í 7,9% hjá hvað arðbærustu félögunum í greininni segir í skýrslunni og er sú ávöxtun nærri ávöxtunarkröfu ríkisbréfa sem er lág enda eiga ríkisbréf að vera með allra öruggustu fjárfestingakostum. Virði fyrirtækjanna mun lækka um 53 milljarða króna og því eru allar líkur á að verulega dragi úr fjárfestingu í sjávarútvegi sem svo aftur dregur úr hagvexti, segir í skýrslunni.

Skýrsla Jakobsson Capital staðfestir viðvörunarorð Guðmundar Kristjánsson, forstjóra Brims, á uppgjörstilkynningu félagsins 28.febrúar sl. en þar sagði hann m.a.: “Sú staðreynd að afkoma sjávarútvegsfyrirtækja á Íslandi er veik í dag þegar horft er til ávöxtunar á bókfært eigið fé, sem viðskiptalíf um allan heim horfir til, virðist ekki breyta því almenna viðhorfi hér á landi sem birtist í n ær allri umræðu um sjávarútveg að greinin sé takmarkalítil og fyrirhafnarlaus uppspretta skatta sem nýta megi í allt annað en framfarir í greininni. Stjórnmálaflokkar ganga á lagið eins og við sjáum þegar nýjir flokkar taki við völdum í ríkisstjórn að þá minnkar ekkert óvissan í rekstrarumhverfi sjávarútvegsins. Í dag boðar ný ríkisstjórn aukin veiðigjöld og aðkomu samkeppnisyfirvalda að greininni en hún er sú eina í landinu þar sem lög hamla vexti fyrirtækja löngu áður en þau ná stöðu sem ógnar alþjóðlegum og innlendum samkeppnisviðmiðum. Er svo komið að rekstrarumhverfið og framtíðarhorfur í greininni eru þannig að bæði stofnanafjárfestar og almennir fjárfestar sýna sjávarútvegsfyrirtækjum sífellt minni áhugi enda ávöxtun meiri í rekstri fasteigna- og verslunarfélaga eða fjármálafyrirtækja. Ég hvet stjórnvöld til að auka fyrirsjáanleika sem er nauðsynlegur í grein eins og sjávarútvegi og einnig í auðlindanýtingu almennt þar sem fjárfestingar eru miklar og fyrirsjáanleiki er nauðsynlegur til að hægt sé að nýta þessar miklu fjárfestingar til að auka velsæld. Með auknum stöðugleika og farsælu samstarfi atvinnulífsins og stjórnvalda skapast forsendur til verðmætasköpunar sem er forsenda velferðar á okkar eyju.”

News

Skýrsla um veiðigjald staðfestir viðvörunarorð

Árs- og sjálfbærniskýrsla Brims er komin út. Áttunda árið í röð gerir Brim grein fyrir ófjárhagslegum þáttum starfsemi sinnar á ítarlegan hátt, en skýrslan fjallar um starfsemi félagsins og áhrif á umhverfi og samfélag, auk þess sem farið er yfir ársreikning félagsins.

Skýrsluna má lesa hér

Árs- og sjálfbærniskýrsla Brims er komin út

Góður rekstur og sterk fjárhagsstaða

Guðmundur Kristjánsson, forstjóri:

”Afkoma Brims var undir væntingum á árinu og er aðal ástæðan að íslensk stjórnvöld leyfðu engar loðnuveiðar. Úthlutun í djúpkarfa var engin í upphafi ársins og einnig hömluðu stjórnvöld Brimi að veiða stóran hluta síns þorskkvóta í Barentshafi á árinu.

Brim telur að undanfarið hafi átt sér stað þróun við stjórnun fiskveiða á Íslandi sem ekki horfir til heilla hvorki fyrir samfélagið í heild, fyrirtækin í sjávarútvegi eða náttúruna. Íslenska fiskveiðistjórnunin byggir á Hafréttarsáttmála Sameinuðu þjóðanna sem er alþjóðlegur samningur um réttindi og skyldur ríkja við nýtingu hafsvæða. Ísland hefur verið aðili að þessum samningi frá upphafi. Í Hafréttarsáttmálanum er lögð rík áhersla á að stjórnvöld í hverju ríki vinni með atvinnugreininni og hagaðilum við mótun á langtíma nýtingarstefnu fiskistofna í sinni lögsögu, eins og áréttað er í siðareglum FAO um ábyrgð í fiskimálum frá 1995.

Að mati okkar í Brimi hefur samtal stjórnvalda við starfsfólk og stjórnendur í sjávarútvegsfyrirtækjum að miklu leyti fallið niður. Hafrannsóknarstofnun er einn hagaðila og er undirstofnun stjórnvalda og þar með ráðherra og á síðasta áratug hefur ráðherra sjávarútvegs æ oftar ákveðið að fara aðeins að tilmælum sinnar undirstofnunar varðandi nýtingu fiskistofna en ekki átt samtal við aðra hagaðila eða tekið tillit til annara sjónarmiða. Síður hefur verið hlustað á eða haft samstarf við forustufólk sjávarútvegsfyrirtækjanna eða skipstjóra fiskiskipanna um þessar mikilvægu ákvarðanir. Þessi þróun er ekki í samræmi við siðareglur FAO um ábyrgð í fiskimálum og er að mati okkar í Brimi áhyggjuefni fyrir íslenska þjóð.

Þá hefur að mati okkar í Brimi dregið úr samtali milli Alþingis og starfsfólks sjávarútvegsráðuneytisins við fólk í sjávarútvegi um breytingar á lögum eða útfærslur á nýjum lögum og reglugerðum. Það er óheppilegt því mikilvægt er að reynsla og þekking á undirstöðum greinarinnar endurspegli ný lög og nýjar reglur. Það er mín von að nýjir alþingismenn og ráðherrar breyti þessari þróun og taki upp faglegt og opið samtal við fólk í sjávarútvegi og ákvarðanir verði teknar með gagnsæum og faglegum hætti.

Þó afkoman hjá Brimi hafi ekki verið ásættanleg á síðasta ári sýnir uppgjörið að rekstur og efnahagur félagsins er traustur. Ánægjulegt er að sjá hvað fjárfestingar Brims á undanförnum árum í dóttur- og hlutdeildarfélögum styðja núna vel við félagið. Eignir félagsins eru 143,3 milljarðar króna og þar af bókfært eigið fé 70,3 milljarðar.

Sú staðreynd að afkoma sjávarútvegsfyrirtækja á Íslandi er veik í dag þegar horft er til ávöxtunar á bókfært eigið fé, sem viðskiptalíf um allan heim horfir til, virðist ekki breyta því almenna viðhorfi hér á landi sem birtist í nær allri umræðu um sjávarútveg að greinin sé takmarkalítil og fyrirhafnarlaus uppspretta skatta sem nýta megi í allt annað en framfarir í greininni. Stjórnmálaflokkar ganga á lagið eins og við sjáum þegar nýjir flokkar taki við völdum í ríkisstjórn að þá minnkar ekkert óvissan í rekstrarumhverfi sjávarútvegsins. Í dag boðar ný ríkisstjórn  aukin veiðigjöld og aðkomu samkeppnisyfirvalda að greininni en hún er sú eina í landinu þar sem lög hamla vexti fyrirtækja löngu áður en þau ná stöðu sem ógnar alþjóðlegum og innlendum samkeppnisviðmiðum. Er svo komið að rekstrarumhverfið og framtíðarhorfur í greininni eru þannig að bæði stofnanafjárfestar og almennir fjárfestar sýna sjávarútvegsfyrirtækjum sífellt minni áhugi enda ávöxtun meiri í rekstri fasteigna- og verslunarfélaga eða fjármálafyrirtækja.

Ég hvet stjórnvöld til að auka fyrirsjáanleika sem er nauðsynlegur í grein eins og sjávarútvegi og einnig í auðlindanýtingu almennt þar sem fjárfestingar eru miklar og fyrirsjáanleiki er nauðsynlegur til að hægt sé að nýta þessar miklu fjárfestingar til að auka velsæld. Með auknum stöðugleika og farsælu samstarfi atvinnulífsins og stjórnvalda skapast forsendur til verðmætasköpunar sem er forsenda velferðar á okkar eyju.

Góður rekstur og sterk fjárhagsstaða

Fjórði ársfjórðungur (4F)

· Rekstrartekjur á 4F 2024 voru 105,2 m€ samanborið við 101,7 m€ á 4F 2023.

· EBITDA nam 18,3 m€ á 4F samanborið við 18,5 m€ á sama tímabili 2023.

· Hagnaður á 4F var 16,0 m€ samanborið við 8,8 m€ á 4F 2023

Árið 2024

· Rekstrartekjur ársins 2024 voru 389,4 m€ samanborið við 437,2 m€ árið 2023.

· EBITDA ársins 2024 var 65,3 m€ (16,8%) en var 97,2 m€ (22,2%) árið 2023.

· Hagnaður ársins 2024 var 40,5 m€, en var 62,9 m€ árið áður.

· Hagnaður á hlut var 0,021 € en var 0,033 € árið 2023.

· Heildareignir í árslok voru 996,0 m€ samanborið við 949,7 m€ í árslok 2023.

· Eiginfjárhlutfall var í lok árs 49% og eigið fé samtals 488,9 m€.

Helstu atriði úr starfseminni

· Heildar botnfiskveiði jókst milli ára og var 48.092 tonn á móti 43.545 tonnum árið 2023. Þar af var afli togara 46.242 tonn, en árið 2023 var hann 41.779 tonn. Afli á úthaldsdag var 26,6 tonn en árið 2023 var hann 27,2, tonn. Afli línubátsins Kristjáns var 1.850 tonn á árinu, en 1.767 tonn árið 2023. Um mitt ár var frystitogarinn Þerney keyptur og fór hann í sína fyrstu veiðiferð í lok júní. Örfirisey var seld og afhent nýjum eigendum í lok júlí. Helga María stoppaði í fjórar vikur til að sinna hefðbundnum viðhaldsverkefnum. Í heildina voru unnin tæp 23.971 tonn í landvinnslum félagsins samanborið við 25.475 tonn árið á undan. Töluvert minna var unnið af ufsa og karfa en meira af þorski. Norðurgarður vann úr 20.627 tonnum af þorski, ufsa, ýsu og karfa. Kambur vann úr 3.344 tonnum af þorski og ýsu.

· Engin loðnuvertíð og dræm makrílveiði settu stóran svip á rekstur uppsjávarsviðs árið 2024. Heildarafli uppsjávarskipa var 96 þúsund tonn á móti 152 þúsund tonnum árið 2023 þar af var samdráttur í loðnu 48 þúsund tonn og makríl 9.500 tonn, en veiðar gengu vel á síld og kolmunna. Vinnsla gekk vel og framleiðslugæði voru góð. Verð á frystum makríl og síld hækkaði og sala gekk vel. Verð á bæði mjöli og lýsi voru mjög góð þrátt fyrir að verð á lýsi hafi lækkað á seinni hluta ársins.

Rekstur

Rekstrartekjur Brims hf. árið 2024 námu 389,4m€ samanborið við 437,2 m€ árið áður. Rekstrarhagnaður fyrir afskriftir (EBITDA) var 65,3 m€ eða 16,8% af rekstrartekjum, en var 97,2 m€ eða 22,2% árið áður. Nettó fjármagnsgjöld voru 17,6 m€ samanborið við 14,3 m€ árið áður.

Áhrif hlutdeildarfélaga voru jákvæð um 14,5 m€, en voru 9,7 m€ árið áður. Munar þar mestu um að áhrif danska félagsins Polar Seafood Denmark A/S eru tekin inn allt árið en voru aðeins inni seinni hluta ársins 2023. Einnig seldi hlutdeildarfélagið Þórsberg ehf. aflaheimildir sem höfðu áhrif til hækkunar á tekjum af hlutdeildarfélögum. Hagnaður fyrir tekjuskatt var 46,1 m€, samanborið 75,0 m€ árið áður. Gjaldfærður tekjuskattur nam 5,6 m€, en var 12,1 m€ árið áður. Hagnaður ársins varð því 40,5 m€ en var 62,9 m€ árið áður.

Meðalfjöldi ársverka árið 2024 var 661 en var 694 árið 2023. Laun og launatengd gjöld námu samtals 87,6 m€, samanborið við 94,7 m€ árið áður (13,1 milljarðar króna á meðalgengi ársins samanborið við 14,1 milljarða árið áður).






LYKILTÖLUR REKSTRAR





















































EUR '000





 





4F 2024





 





4F 2023





 





 







2024





 





2023





 



















 

















Seldar vörur







105.216







101.746







 







389.365







437.215









Kostnaðarverð seldra vara





(87.053)







(82.466)







 







(323.708)







(335.396)









Vergur hagnaður





 





18.163





 





19.280





 





 







65.657





 





101.819





 



















 

















Aðrar tekjur







25







74







 







3.400







369









Útflutningskostnaður







(1.755)







(2.466)







 







(7.434)







(10.031)









Annar rekstrarkostnaður







(3.268)







(3.231)







 







(12.382)







(12.599)









Rekstrarhagnaður





 





13.165





 





13.657





 





 







49.241





 





79.558





 



















 

















Fjáreignatekjur







1.844







1.763







 







4.011







4.663









Fjármagnsgjöld







(5.968)







(5.668)







 







(23.178)







(19.330)









Gengismunur







689







(158)







 







1.584







399









Áhrif hlutdeildarfélaga







8.163







1.523







 







14.452







9.747









Hagnaður fyrir tekjuskatt





17.893





 





11.117





 





 







46.110





 





75.037





 







Tekjuskattur







(1.856)







(2.268)







 







(5.595)







(12.089)









Hagnaður tímabilsins





 





16.037





 





8.849





 





 







40.515





 





62.948





 







 





 





 





 





 





 





 







 





 





 





 







EBITDA







18.254







18.511







 







65.304







97.224









EBITDA%







17,3%







18,2%







 







16,8%







22,2%







Efnahagur

Heildareignir félagsins námu 996,0 m€ árslok 2024. Þar af voru fastafjármunir 821,0 m€ og veltufjármunir 175,0 m€. Fjárhagsstaða félagins er sterk og nam eigið fé 488,9 m€ og var eiginfjárhlutfall 49,0%, en var 50,0% í lok árs 2023. Heildarskuldir félagsins í árslok 2024 voru 507,1 m€.

Sjóðstreymi

Handbært fé frá rekstri nam 46,1 m€ árið 2024, en var 46,4 m€ árið áður.  Fjárfestingarhreyfingar voru 39,5 m€. Fjármögnunarhreyfingar voru jákvæðar um 11,4 m€. Handbært fé hækkaði því um 18,0 m€ á tímabilinu og var í árslok 52,1 m€.

Meginniðurstöður færðar til íslenskra króna

Séu niðurstöður rekstrarreiknings reiknaðar til íslenskra króna á meðalgengi ársins 2023        (1 evra = 149,31 ísk) voru tekjur 58,1 milljarður króna, EBITDA 9,8 milljarðar og hagnaður 6,0 milljarðar. Séu niðurstöður efnahagsreiknings reiknaðar til íslenskra króna á lokagengi ársins 2024 (1 evra = 143,9 ísk) voru eignir samtals 143,3 milljarðar króna, skuldir 73,0 milljarðar og eigið fé 70,3 milljarðar.

Aðalfundur

Aðalfundur Brims hf. verður haldinn fimmtudaginn 20. mars 2025 klukkan 16:30. Nánari upplýsingar verða veittar á heimasíðu félagsins www.brim.is.

Tillaga stjórnar á aðalfundi um arðgreiðslu

Samkvæmt stefnu félagsins sem kynnt var í skráningarlýsingu félagsins árið 2014 leggur stjórn félagsins til að arðgreiðsla á árinu 2025 vegna rekstrarársins 2024 verði 1,5 kr. á hlut, eða 2.888 millj. kr. (um 20,1 millj. evra á lokagengi ársins 2024), eða 2,0% af markaðsvirði hlutafjár í lok árs 2024. Arðurinn verði greiddur 30. apríl 2025. Síðasti viðskiptadagur þar sem arður fylgir bréfunum er 21. mars 2025 og arðleysisdagur því 22. mars 2025.

Arðsréttindadagur er 25. mars 2025. Arður greiðist þeim sem skráðir eru í hlutaskrá félagsins í lok arðsréttindadags.

Samþykkt ársreiknings

Ársreikningurinn var samþykktur á stjórnarfundi Brims hf. 27. febrúar 2025. Ársreikningurinn er í samræmi við alþjóðlega reikningsskilastaðla (IFRS – International Financial Reporting Standards) og hefur verið endurskoðaður af endurskoðendum félagsins.

Kynningarfundur þann 27. febrúar 2025

Kynningarfundur fyrir markaðsaðila og fjárfesta verður haldinn fimmtudaginn 27. febrúar klukkan 16:30 að Norðurgarði 1, þar mun Guðmundur Kristjánsson forstjóri félagsins kynna uppgjörið.  Fundurinn verður einnig rafrænn og hægt verður að fylgjanst með fundinum á www.brim.is/streymi.  Velkomið er að senda spurningar fyrir fundinn eða á meðan fundi stendur á netfangið fjarfestatengsl@brim.is.  Spurningum verður svarað í lok fundar.

Brim hf.

Brim er öflugt sjávarútvegsfyrirtæki sem starfar í sátt við samfélagið og umhverfið. Við stuðlum að verðmætasköpun með vöruþróun, tæknilausnum og öflugu starfsfólki. Við tryggjum með ábyrgum veiðum og vinnslu, þar sem áhersla er á sjálfbærni og nýsköpun, að sjávarútvegur verði áfram burðarstólpi í íslensku samfélagi. Við leitum allra leiða til að lágmarka áhrif starfseminnar á umhverfið hvort sem er á sjó eða í landi.

Fjárhagsdagatal

Aðalfundur                              20. mars 2025

Arðgreiðsludagur                    30. apríl 2025

Fyrsti ársfjórðungur                27. maí 2025

Annar ársfjórðungur               28. ágúst 2025

Þriðji ársfjórðungur                 20 . nóvember 2025

Fjórði ársfjórðungur                26. febrúar 2026

Nánari upplýsingar

Nánari upplýsingar veitir Guðmundur Kristjánsson forstjóri, sími 550-1000.

Ársuppgjör Brims hf. 2024

Félag nemenda í auðlindafræðum við Háskólann á Akureyri, Stafnbúi, heimsótti höfuðstöðvar Brims á dögunum. Guðmundur Kristjánsson, forstjóri Brims, tók á móti hópnum og ræddi við áhugasama nemdur um rekstur Brims og annað sem varðar nýtingu fyrirtækisins á auðlindum sjávar. Heimsóknin gaf nemendum innsýn í fjölbreytta starfsemi fyrirtækisins og framtíðartækifæri í auðlindagreinum. Boðið var upp veitingar og var gerður góður rómur að Loðnuhrognsbjór sem er framleiddur fyrir Icelandic Japan, dótturfyrirtæki Brims. Það er ljóst að samstarf atvinnulífsins og háskólasamfélagsins skapar dýrmæt tækifæri til að miðla reynslu og þekkingu til ungs fólks sem stefnir á að starfa innan greinarinnar.

Nemendur í auðlindafræðum heimsóttu Brim

STORM verkefnið (System Transition to Renewable Marine Fuels in the Nordics from a Supply Chain Perspective) er alþjóðlegt rannsóknarverkefni og er að hluta fjármagnað af Nordic Energy Research. En í heildina er verkefnið unnið og fjármagnað af fimm rannsóknarstofnunum og átta hagsmuna aðilum, af þeim eru íslenskir aðilar verkefnisins, Háskóli Íslands, Brim, Faxaflóahafnir og Eimskip og erlendir þátttakendur koma frá Svíþjóð og Færeyjum. Allir eru þeir með mismunandi hagsmuni af verkefninu. Áætlaður kostnaður verkefnisins er 944.000 evrur.

Markmið STORM verkefnisins er að styðja við orkuskipti í haftengdri starfsemi, þ.m.t. sjávarútvegi og sjóflutningum.  Nálgun verkefnisins er heildræn en skoða á orkuskipti í þessum geirum í ljósi orkuskipta í öðrum geirum og framleiðslu á öðrum orkugjöfum en jarðefnaeldsneyti.  Verkefnið mun leggja mat á möguleika á innlendri framleiðslu eldsneytis sem og aukna skilvirkni í notkun orku í haftengdri starfsemi og bera saman möguleika, með áherslu á hagrænar og umhverfislegar víddir. Hindranir og hvatar til breytinga verða greindir og bent á nauðsynlegar aðgerðir stjórnvalda til að raungera orkuskipti í haftengdri starfsemi. Verkefnið hófst seint á árinu 2024 og er því nýbyrjað en það er áætlað að standa yfir fram að 2027.

Brim tekur þátt í alþjóðlegu rannsóknarverkefni á sviði orkuskipta

Brim hélt nýverið fræðslufund þar sem aðildarfélögum Festu – miðstöðvar um sjálfbærni var kynnt starfsemi fyrirtækisins og hvernig sjálfbærni er samofin starfsháttum þess. Á fundinum var farið yfir áherslur Brims á sjálfbæra nýtingu auðlinda, kolefnisspor fyrirtækisins,  og þau metnaðarfullu markmið sem miða að því að stuðla að ábyrgari sjávarútvegi.

Til fundarins mættu nærri 40 fulltrúar ólíkra fyrirtækja sem öll eru aðilar að FESTU. Á móti þeim tóku Guðmundur Kristjánsson, forstjóri, Inga Jóna Friðgeirsdóttir, fjármálastjóri, Friðrik Friðriksson, lögmaður, Pálmi Hafþór Ingólfsson, verkefnastjóri fræðslu og heilbrigðis og Sveinn Margeirsson, framkvæmdastjóri nýsköpunar og loftslagsmála. Víða var komið við í framsöguerindum og í umræðum að þeim loknum enda hefur Brim áratuga reynslu af þróun umhverfisvænna starfsaðferða og annara leiða sem stuðla að aukinni sjálfbærni.

Brim kynnti aðildarfélögum FESTU sjálfbærniþætti í starfsemi sinni

Brim hf. barst bréf frá Samkeppniseftirlitinu (SKE) í síðustu viku þar sem óskað var umsagnar félagsins á kaupum Sildarvinnslunnar á 50% hlut í sölufélaginu Ice Fresh Seafood af Samherja. Í bréfinu kemur fram að SKE hafi skilgreint fimm eða jafnvel sex samkeppnismarkaði í sjávarútvegi. Þar sem Brim hefur ekki áður heyrt af þessum skilgreiningum SKE á mörkuðum sem félagið hefur þó starfað á í áratugi óskar félagið eftir nánari skilgreiningum á þeim til að geta svarað spurningum eftirlitsins. Brim óskar upplýsinga um hver sé samþjöppunarstuðull (HHI) á þessum tilteknu mörkuðum, hvaða aðilar séu ráðandi á þessum mörkuðum, hvert umfang þessara markaða sé, í tonnum og verðmætum talið og hvort þessir markaðir séu eingöngu á Íslandi.

Meðfylgjandi eru bréf Samkeppniseftirlitsins til Brim frá 27.febrúar 2024 og svar Brims sem er dagsett 4.mars 2024.









Samkeppniseftirlitið - Beiðni um umsögn
Vegna kaupa Síldarvinnslunnar á 50% eignarhlut í Ice Fresh Seafood af Samherja

Beiðni um umsögn_útgerðir markaðsaðilar.pdf
67 KB



download-circle







Brim - Umsögn
Ice Fresh Seafood ehf.

Brim_IceFresh_04032024.pdf
151 KB



download-circle





Brim óskar eftir skilgreiningum Samkeppniseftirlitsins á samkeppnismörkuðum í sjávarútvegi

Hátíðarkveðjur frá starfsfólki Brims!

Hátíðleg, fagnaðarrík, himnesk, skínandi, gleðileg jól!

Guðmundur Kristjánsson, forstjóri Brim hf., hlaut nýverið samfélagsverðlaun Þjóðmála m.a. fyrir að hafa þótt sýna kjark og þor til að standa gegn ólöglegum aðgerðum eftirlitsstofnana, vera talsmaður aukins gagnsæis í sjávarútvegi, stuðla að upplýsandi umræðu og hafa leitt Brim í stuðningi við menningu, menntun og íþróttir. Frá þessu er greint á vef Innherja á Vísir.is.

Forstjóri Brims hlýtur samfélagsverðlaun Þjóðmála

Loðna er mikilvæg útflutningsafurð Brims. Agnes Guðmundsdóttir, markaðsstjóri hjá dótturfélagi Brims, Icelandic Japan, gerði japönskum loðnumarkaði og útflutningi á frosinni loðnu til Japans góð skil á nýafstaðinni sjávarútvegsráðstefnu. Erindi Agnesar kom m.a. inn á mikilvægi stöðugs framboðs á markaðnum og áherslu á gæði, en samhæfð virðiskeðja er grundvöllur þess að unnt sé að afhenda vöru í þeim gæðum sem markaðurinn gerir kröfu um.

Loðnu gerð góð skil á sjávarútvegsráðstefnunni

Guðmundur Kristjánsson, forstjóri Brim hf., sagði að gagnsæi væri til fyrirmyndar hjá Brimi í viðtali í Dagmálum Morgunblaðsins þegar talið barst að kröfu um aukið gagnsæi í sjávarútvegi. Sagði hann að allar upplýsingar sem snúa að fiskveiðum og veiðiheimildum væru aðgengilegar hjá Fiskistofu og upplýsingar um eignir félagsins og rekstur væri hægt að finna í kauphöllinni þar sem fyrirtækið er skrá á markað. Guðmundur kom víða við í viðtali við blaðamennina Andrés Magnússon og Gísla Frey Valdórsson en þeir ræddu meðal annars fyrirhugaða endurskoðun matvælaráðherra á lögum um stjórn fiskveiða, nýfallinn úrskurð Áfrýjunarnefndar samkeppnismála um brot Samkeppnisstofnunar í málum varðandi Brim og sjávarútvegsfyrirtækin. Viðtalið er aðgengilegt hér.

Gagnsæi til fyrirmyndar hjá Brimi

Úrskurðarnefnd samkeppnismála úrskurðaði í dag að fella bæri úr gildi ákvörðun Samkeppniseftirlitsins frá 19. júlí sl. um að Brim hf. bæri að greiða 3.5 milljónir króna í dagsektir þar til upplýsingabeiðni eftirlitsins hefði verið svarað með fullnægjandi hætti. Í úrskurði nefndarinnar segir að verktakasamningur sá sem Samkeppniseftirlitið gerði við matvælaráðuneytið um rannsókn á stjórnar- og eignatengslum í sjávarútvegi gegn verktakagreiðslu samræmist ekki hlutverki Samkeppniseftirlitsins. Þaðan af síður hafi eftirlitið haft heimild til að beita gegn Brimi valdheimildum sínum og þvingunarúrræðum eins og dagsektum til að knýja á um afhendingu gagna vegna slíkra athugana og skýrsluskrifa. Úrskurðarnefndin tekur því undir þau sjónarmið Brims að Samkeppniseftilitinu sé ekki heimilt að beita rannsóknarheimildum sínum í pólitískri stefnumótun fyrir ráðuneytið.

Guðmundur Kristjánsson, forstjóri Brims hf.:

„Það er mikilvægt að á Íslandi starfi öflugt og traust samkeppniseftirlit. En til þess að það njóti trausts þarf það að fara að gildandi lögum. Brim taldi það ekki lögum samkvæmt að afhenda Samkeppniseftirlitinu umbeðnar upplýsingar og því fagnar félagið úrskurði Áfrýjunarnefndar.“








Úrskurður í máli nr. 3-2023.pdf
2 MB



download-circle





Samkeppniseftirlitið fór ekki að lögum þegar Brim var beitt dagsektum

Fyrirhuguðum fjárfestadegi 7.9.2023 hefur verið frestað. Ný dagsetning auglýst síðar.

Fjárfestadegi frestað

,,Það er fínasta fiskerí hérna en aflinn er mjög blandaður. Það er gríðarlegt magn af gullkarfa að þvælast fyrir og ýsu má finna á öllum miðum,” segir Arnar Haukur Ævarsson, skipstjóri á frystitogaranum Örfirisey RE.

Er rætt var við Arnar Hauk var Örfirisey að veiðum á Halamiðum. Veiðiferðin er rétt rúmlega hálfnuð en um 600 tonnum, miðað við fisk upp úr sjó, var landað í svokallaðri millilöndun í síðustu viku. Fyrri hluta veiðiferðarinnar var mest verið á SV miðum.

,,Við vorum einu sinni sem oftar að leita að ufsa. Það var ekki mikið um hann en við fengum ágætan karfaafla. Eitthvað var líka um ýsu og ufsa á Fjöllunum þar sem vorum lengst af. Við fórum svo norður á Látragrunn og Flugbrautina og fengum þar mokafla af hreinni ýsu. Aflinn fór mest í um tonn á mínútu þannig að það má segja með sanni að vinnslugetan hafi skammtað okkur aflann.”

Arnar Haukur segir að eftir millilöndunina hafi hann ákveðið að byrja veiðarnar á Flugbrautinni.

,,Ýsuveiðin hafði ekkert gefið eftir. Við fórum svo í grunnkantinn og unnum okkur þaðan norður á Hala. Ufsinn hefur komið með en hér á Halanum eru það fyrst og fremst gullkarfinn og ýsan sem ráða ríkjum.

Örfisey fer í slipp eftir þennan túr en síðan í eina veiðiferð til viðbótar áður en skipiðverður selt. Í skipaflota Brims kemur þá grænlenski heilfrystitogarinn Tuukkaqsem keyptur hefur verið. Fær hann nafnið Þerney og einkennisstafina RE 3. Nokkrar breytingar verða á högum Arnars Hauks vegna þessa. Hann verður skipstjóri á frystitogaranum Vigra RE á móti Árna Gunnólfssyni. Eyþór Atli Scott, sem verið hefur skipstjóri á Vigra, tekur við skipstjórn á Sólborgu RE sem Brim keypti sl. haust. Fyrirhugað er að skipið fari í sína fyrstu veiðiferð fyrir Brim nú um miðjan mánuðinn.

Mokýsuveiði á Látragrunni og Flugbrautinni

Brim hf. hefur keypt frystitogarann Tuukkaq frá Grænlandi, af Tuukkaq Trawl AS sem er hlutdeildarfélag Royal Greenland AS. Kaupverð er 148 mDKK. Tuukkaq var smíðaður árið 2001 í Noregi og er 66,4 metra langur og 14,6 metra breiður. Áætlað er að skipið fari til veiða í september undir nafninu Þerney RE-3. Í framhaldinu verður frystitogarinn Örfirisey RE-4 seldur.

Frekari upplýsingar veitir Ægir Páll Friðbertsson, framkvæmdastjóri Brim hf.

Breyting á skipastól, frystitogarar

,,Þetta er mjög fallegur fiskur, stór og góður, og meðalvigtin í síðustu löndun var 550 grömm. Það gerist ekki betra,” segir Hjalti Einarsson, skipstjóri á uppsjávarveiðiskipinu Svani RE. Hjalti var þá á leiðinni á miðin að nýju eftir löndun á Vopnafirði. Aflinn var rúmlega 1.150 tonn af makríl.

,,Það er stutt á miðin, ekki nema átta til tíu tíma sigling frá Vopnafirði, en skipin eru núna út af Reyðarfjarðardjúpi. Við vorum að koma rétt í þessu og mér heyrist á mönnum að veiðin sé heldur að fjara út, í bili a.m.k.” segir Hjalti en hann kveður mjög erfitt að átta sig á göngumynstri makrílsins.

,,Það er mikil áta á svæðinu og vafalaust sækir makríllinn þangað sem skilyrðin eru best,” segir Hjalti.

Hjaltilætur vel yfir aflabrögðunum í sumar. Aflinn sé reyndar mjög mismunandi eftir holum. Stundum fáist lítið sem ekkert en bestu holin geti skilað 300 tonnum. Algengast sé að fá um 100 tonn að meðaltali í holi.

,,Það fréttist á dögunum af makríl ekki langt austan við Vestmannaeyjar en sú veiði fjaraði út á skömmum tíma,” segir Hjalti Einarsson.

Venus NS er nú í höfn á Vopnafirði með um 1.380 tonna afla. Þar af vigtar makríllinn um 1.100 tonn. Víkingur AK var búinn að taka eitt hol á miðunum og aflinn í því var um 120 tonn.

Meðalvigtin á makrílnum er um 550 grömm

,,Þetta er búið að vera með ágætum í sumar. Ég hef reyndar ekki verið um borð í nokkra daga en síðast þegar ég var með skipið rótfiskuðum við Fjöllunum, fengum hvort tveggja ufsa og karfa, en þótt ufsinn sé mættur þá er ekki hið sama að segja um milliufsann sem er vænni,” segir Kristján E. Gíslason (Kiddó), skipstjóri á ísfisktogaranum Viðey RE.

Óhætt er að segja að aflinn á Fjöllunum hafi verið góður því áhöfnin á Viðey fékk um 80 tonn af fiski efir sólarhring á veiðum. Að sögn skipstjórans var aflinn ufsi og karfi nokkurn veginn til helminga. Ufsinn, sem veiddist, er hinn dæmigerði Fjallaufsi en milliufsinn, sem venjulega skilar sér þegar fram er komið á sumar, lætur á sér standa.

,,Við fórum í framhaldinu norður á Vestfjarðamið og reyndar alveg austur í Reykjafjarðarál. Við fengum um 30 tonn af þorski af blandaðri stærð í Reykjafjarðarál. Við fórum svo í Nesdjúpið, sem gaf ágætan afla, og enduðum veiðiferðina á Látragrunninu. Þar var fín þorsk- og ýsuveiði en þorskurinn er á höttunum eftir síldinni sem hrygnir þarna að sumarlagi,” segir Kiddó en alls var Viðey með um 190 tonna afla í veiðiferðinni eða fullfermi.

,,Jón Frímann er nú með skipið að veiðum á Vestfjarðamiðum. Jafnt núna og í túrnum á undan er aflinn fínn en það er verst hve mikið er af gullkarfa á Halanum. Hann virðist vera farinn að halda þarna til allt sumarið og það kemur niður á öðrum veiðum hve mikið er af karfa á svæðinu,” segir Kristján E. Gíslason (Kiddó).

Fjallaufsinn mættur en milliufsinn lætur á sér standa

Garðar Svavarsson, forstöðumaður uppsjávarsviðs Brim, hefur óskað eftir að láta af störfum hjá félaginu og mun róa á ný mið með haustinu.

Garðar hefur unnið hjá félaginu frá unglingsárum og gegnt mörgum mismunandi hlutverkum á vettvangi félagsins í gegnum þessi 24 ár frá því að hann kom fyrst til starfa í fiskvinnslu félagsins. Garðar hefur tekið virkan þátt í uppbyggingu félagsins síðustu ár, nú síðast með því að leiða uppsjávarsvið félagsins sl. tíu ár með góðum árangri.

Við óskum Garðari góðs gengis í þeim verkefnum sem hann mun nú snúa sér að og þökkum fyrir gott samstarf á liðnum árum.

Garðar Svavarsson lætur af störfum

Frystitogarinn Vigri RE er nú á leið á miðin að nýju eftir að lokið var við að landa afurðum úr skipinu. Skipstjóri í síðustu veiðiferð var Eyþór Atli Scott og hann lætur vel að aflabrögðum. Vandinn sé að forðast gullkarfann sem virðist hafa tekið yfir þekkt mið úti fyrir Vestfjörðum eins og Víkurál og Halamið.

,,Við vorum hvort tveggja á Vestfjarðamiðum og eins á SV-miðum í þessari veiðiferð. Við byrjuððum á grálúðuslóðinni á Hampiðjutorginu og þar vorum við í nokkra daga. Aflabröðin voru í góðu lagi fyrstu tvo sólarhringana en síðan dró úr aflanum. Við fórum því suður í Skerjadjúpið og þar var fín djúpkarfaveiði og gott af gulllaxi með. Málið er að þótt fiskifræðingar virðist halda að stofninum sé hætta búin þá hefur djúpkarfaveiðin verið á góðri uppleið sl. þrjú árin og djúpkarfastofninn hefur sýnt augljós batamerki á sama tíma. Við vorum með um 150 tonn af djúpkarfa í túrnum og sá afli fékkst án þess að það væri hangið yfir honum,” segir Eyþór Atli.

Eftir löndun á um 430 tonnum af afurðum í Reykjavík þann 19. júní sl., í svokallaðri millilöndun, var haldið aftur norður á Vestfjarðamið, nánar tiltekið í austurhluta Víkuráls.

,,Þarna var mjög mikið af gullkarfa og eins norður á Hala. Karfinn var þó aðallega á ferðinni yfir daginn en á nóttunni fengum við ufsa og þorsk. Ég held að við höfum verið með um 180 tonn af ufsa upp úr sjó í túrnum og það var bara gullkarfinn sem toppaði þá tölu,” segir Eyþór Atli en hann segist svo hafa endað veiðiferðina á Geirastöðum eða í Kartöflugarðinum en þau mið eru vestan Halans.

,,Þetta eru gömul grálúðumið enda var það svo að við fengum ágætis kropp af hreinni grálúðu í um þrjá sólarhringa. Þá var þetta orðið gott og við héldum heimleiðis til Reykjavíkur. Við vorum alls með um 920 tonn af fiski upp úr sjó í veiðiferðinni og ég held að aflaverðmætið hafi verið nálægt 395 milljónum króna,” segir Eyþór Atli Scott.

Fengum ufsann á nóttinni

Ísfisktogarinn Akurey AK er nú á leiðinni á miðin en að sögn skipstjórans, Óla Grétars Skarphéðinssonar, sem verið hefur með skipið í öllum veiðiferðum eftir sjómannadag, hefur aflinn verið ágætur þótt vissulega hafi þurft að hafa fyrir honum. Nú er þorskveiðin á uppleið því síðustu vikuna hefur verið góð þorskveiði í Reykjafjarðarál.

,,Skipin hafa flest verið á Vestfjarðamiðum. Helst að frystitogaranir hafi farið á SV miðin. Hafísinn hefur hopað fyrir norðan og það er helst að hann gæti spillt gömlum grálúðumiðum norður af Ströndum,” segir Óli Grétar.

Í síðustu veiðiferð fékk Akurey góðan þorskafla í Reykjafjarðarálnum.

,,Það var sérstaklega góð veiði í tvo sólarhringa og svo fengum við þokkalegan ufsaafla á Tungunni sem er á Kögurgrunni. Okkar helsta vandamál í dag er flæðandi gullkarfi á svo til öllum stöðum sem við drepum niður trolli. Halinn er hersetinn af gullkarfa. Þeir sem leggja sig eftir karfanum hafa verið verðlaunaðir með votti af ufsa en það er bara á færi þeirra sem eiga mjög stóra karfakvóta að haga sér þannig,” segir Óli Grétar en að hans sögn er Víkurállinn eitt þeirra svæða sem ekki er farið á vegna karfans.

,,Aflinn nú var um 155 tonn en svipaður heildarafli hefur fengist í öllum veiðiferðum eftir sjómannadaginn. Það er frekar lítið af ufsa, offramboð af karfa og það hefur þurft að hafa vel fyrir þorskinum þar til í síðasta túr,” segir Óli Grétar Skarphéðinsson.

Góð þorskveiði en karfinn þvælist fyrir

Í dag er 17. júní, hinn íslenski Þjóðhátíðardagur, haldinn hátíðlegur um land allt. Af því tilefni óska stjórnendur Brims starfsfólki sínu, fjölskyldum þess og landsmönnum öllum til hamingju með daginn.

Á vef Íslensks almanaks segir um 17. júní:

Þjóðhátíðardagur Íslands er haldinn hátíðlegur 17. júní ár hvert og í daglegu tali oftast bara kallaður 17. júní. Dagurinn er fæðingardagur Jóns Sigurðssonar, forseta (sameinað þings), og var valinn sem hinn Íslenski þjóðhátíðardagur við stofnun Íslenska lýðveldisins árið 1944 til heiðurs og minningar um framlag Jóns til sjálfstæðisbaráttu Íslands og aðskilnað frá Dönum.

Fæðingardags Jóns Sigurðssonar var fyrst minnst með opinberum samkomum árið 1907. Á aldarafmæli hans 17. júní 1911 var haldin Almennur þjóðminningardagur og það tilefni valið til setningar Háskóla Íslands í fyrsta sinn. Eftir það eða fram til stofnunar Íslenska lýðveldisins héldu íþróttasamtök upp á daginn.

Þjóðhátíðardagur Íslands, 17. júní er lögbundinn frídagur á Íslandi og opinber fánadagur.

Til hamingju með Þjóðhátíðardaginn

Ísfisktogarinn Helga María AK kom til hafnar í Reykjavík í gærmorgun eftir rúma fjóra sólarhringa að veiðum á Vestfjarðamiðum. Aflinn var um 113 tonn. Þetta er önnur veiðiferð skipsins eftir sjómannadaginn.

,,Við fórum í tveggja daga túr strax eftir sjómannadaginn, svona rétt til að koma vinnslunni í gang,” segir Heimir Guðbjörnsson, skipstjóri, sem var með skipið í báðum þessum veiðiferðum.

Heimir segir að fyrsti túrinn hafi verið farinn á heimamið, nánar til tekið á Fjöllin.

,,Líkt og svo oft áður vorum við fyrst og fremst að leita að ufsa en hann hefur verið vandveiddur. Við náðum þó að vera með 25-26 tonn af ufsa á þessum tveimur dögum. Heildaraflinn var 73 tonn, mest tegundir eins og gullkarfi.”

Að sögn skipstjórans var haldið norður á Vestfjarðamið að kvöldi sl. fimmtudags.

,,Við byrjuðum veiðar í Víkurálnum en þar var enginn ufsi, bara gullkarfi. Við færðum okkur því í kantinn vestur af Patreksfirði. Þar var þorskur og ufsi og gullkarfi með. Við gátum ekki staldrað við of lengi vegna þess að ísbreiðan var farin að flæða yfir svæðið. Við hröktumst undan ísnum og ætlunin var að fara Halann. Það var hins vegar óvinnandi vegur að komast þangað vegna hafíss og við urðum því að bíta í það súra epli að halda heimleiðis. Aflinn var þó ágætur og ég er ánægður með það í ljósi þess að aðstæður voru mjög erfiðar,” segir Heimir. Hann segir að á meðan S og SV áttir séu upp á hvern dag haldi hafísinn sig við Vestfirði.

,,Maður þorir ekki lengur að búast við góðri austanátt. Það er ekkert í kortunum nema áframhaldandi SV átt og á meðan eru Vestfjarðamið að stærstum hluta lokuð fyrir veiðum,” segir Heimir Guðbjörnsson.

Hafísinn til vandræða vegna þrálátrar SV áttar

Einn af hinum yngri skipstjórnarmönnum Brims er Skagamaðurinn Jón Frímann Eiríksson en hann hefur vakið athygli fyrir aflasæld og vera farsæll í störfum. E.t.v. má segja að Jón Frímann eigi velgengnina á sjó ekki langt að sækja því faðir hans, Eiríkur Jónsson, kunnur aflamaður, er skipstjóri á ísfisktogaranum Akurey AK. Nú nýlega var Jón Frímann ráðinn skipstjóri á ísfisktogarann Viðey RE á móti Kristjáni E. Gíslasyni (Kiddó) sem tók við starfi aðalskipstjóra nú í vor eftir að Jóhannes Ellert Eiríksson (Elli) lét af störfum sökum aldurs.

Jón Frímann er fæddur árið 1976 og uppalinn á Akranesi en foreldrar hans eru Alma María Jóhannsdóttir og fyrrnefndur Eiríkur Jónsson,

,Ég fór fyrst á sjó, aðeins sex ára gamall, með pabba á togaranum Skipaskaga AK og svo hvert einasta sumar þangað til ég var 15 ára gamall. Sem atvinnumaður fór ég í fyrsta túrinn í águst 1994 en þá hafði ég ráðið mig á togarann Sturlaug H. Böðvarsson AK. Ég man að ég fór þennan túr beint eftir heyskap. Ég ætlaði alltaf að verða bóndi enda fannst mér ekkert skemmtilegra en sveitastörfin. En málin þróast oft öðru vísi en ætlað var. Ég var á Sturlaugi í ein þrjú ár en þá hafði ég ákveðið að fara í Stýrimannaskólann. Þar hóf ég nám 1997 og ég útskrifaðist þaðan svo tveimur árum síðar eða árið 1999,” segir Jón Frímann en að hans sögn eru margir skólafélagarnir eftirminnilegir.

,,Ég minnist margra og margir mínir gömlu skólafélaga eru starfandi skipstjórnarmenn. Við höfum regluleg samskipti og það er gott að eiga þá að. En ég held að á engan sé hallað að segja að eftirminnalegastur skólafélaganna sé vinur minn Torfi Freyr Alexanderssonsem nú er látinn, en hann barði mig bókstaflega áfram í gegnum námið. Stærðfræði var ekki mín sterkasta hlið og Torfi Freyr hjálpaði mér ótrúlega mikið með stærðfræðina.”

Gæfuspor að flytja til Grundarfjarðar

Jón Frímann segir að eftir skólann hafi hann ráðið sig á togarann Svein Jónsson KE. Hann var í áhöfn þar til að togaranum var lagt Þá tók við stuttur tími á Haraldi Böðvarssyni AK.

,,Um áramótin 1999-2000 réðst ég um borð í Heiðrúnu ÍS sem var nýbúið að kaupa til Grundarfjarðar. Skipið fékk síðar nafnið Ingimundur og einkennisstafina SH. Það var mikið gæfuspor að fá vinnu hjá G.Run og þar fékk ég tækifæri til að spreyta mig í brúnni sem skipstjórnarmaður. Árið 2003 fór ég svo á Björn RE í eitt ár. Ég fór svo á smá flakk milli skipa. Var á Rán HF, Höfrungi III AK og HúseyÞH til ársins 2006. Þá réð ég mig aftur til Grundarfjarðar á Hring SH. Var hjá G.Run til ársins 2016 en þá kom ég yfir til HB Granda sem síðar varð Brim. Þar var ég fram til ársins 2021 en þá fór ég yfir á Sólborgu RE í eigu Útgerðarfélags Reykjavíkur. Þar var ég þar til skipinu var lagt í fyrra. Ég kom þá aftur yfir til Brims og er núna á Viðey RE,” segir Jón Frímann en hann hefur reyndar verið stýrimaður eða afleysingarskipstjóri á öllum togurum Brims ef frystitogarinn Vigri RE er undanskilinn.

Jón Frímann býr í Borgarnesi. Hann er kvæntur Láru Magnúsdóttur og saman eiga þau þrjú börn, Kolbrúnu Líf 18 ára, Eirík Frímann 16 àra og Eyþór Frímann 1,5 árs.

–En hver er þýðing sjómannadagsins?

,,Sjómannadagurinn hefur alltaf haft mikla þýðingu í minni fjölskyldu. Pabbi var í sjómannadagsráðinu á Akranesi svo lengi sem ég man eftir og við tókum þátt í öllu sem deginum viðkom. Ég hef víst smitast af sjómannadagsbakteríunni því ég var í forsvari fyrir sjómannadaginn í Grundarfirði og dró krakkana og konuna mína með í allan undirbúning vegna dagsins. Þannig að við, ásamt góðu fólki í Grundarfirði, héldum sjómannadeginum á lofti í rúm 10 ár. Í mínum huga á þessi dagur að snúast um sjómannafjölskylduna. Því lífið stoppar ekki þegar við förum á sjó. Makar sjómanna og taka á sig mikla ábyrgð og það er í raun tvöfalt álag á fólkinu í landi. Það þarf að þola óvissu um hvenær makinn skilar sér heim og allar áætlanir fara oft í vaskinn vegna breyttra aðstæðna. Að því sögðu vil ég óska sjómönnum og fjölskyldum þeirra innilega til hamingju með daginn. Njótið helgarinnar,” segir Jón Frímann Eiríksson.

Smitaðist snemma af sjómannadagsbakteríunni

Stjórnendur Brims óska sjómönnum og fjölskyldum þeirra til hamingju með sjómannadaginn sem haldinn er hátíðlegur í dag. Eru nú liðin 85 ár frá því að fyrst var haldið upp á daginn.

Á síðu Wikipediu segir eftirfarandi um sjómannadaginn:

,,Sjómannadagurinn er fyrsti sunnudagurinn í júní ár hvert, nema ef hvítasunnu ber upp á þann dag, þá er hann næsti sunnudagur þar á eftir. Hann er hátíðisdagur allra sjómanna. Dagurinn var fyrst haldinn hátíðlegur þann 6. júní árið 1938 í Reykjavík og á Ísafirði en frá upphafi 20. aldar tíðkaðist að halda sérstakar sjómannamessur í kirkjum áður en þilskipin héldu til veiða eftir vetrarlægi, sem var yfirleitt 3. eða 4. sunnudag eftir þrettánda.  Árið 1987var dagurinn lögskipaður frídagur sjómanna.”

Til þess er tekið hve fyrstu hátíðahöldin tókust vel og í Alþýðublaðinu 7. júní 1938 má lesaað sjómenn í Reykjavík og víðar að hafi gengið fylktu liði frá Stýrimannaskólanum um bæinn að Skólavörðuholti og fylgdi þeim aragrúi borgarbúa. Aðalhátíðahöldin fóru fram á holtinu en talið er að um 10.000 manns hafi safnast saman við Leifsstyttu.

Sjómannadagurinn 85 ára

Í dag er 1. maí, alþjóðlegur baráttudagur verkafólks. Af því tilefni óska stjórnendur Brims starfsmönnum sínum og fjölskyldum þeirra til hamingju með daginn.

Til hamingju með daginn

Í lok mars héldu fulltrúar Hafrannsóknarstofnunar, Stjörnu-Odda og Brims á gullkarfamið vestan og suðvestan lands. Markmið leiðangurins var að athuga hvort hæg væri að bergmálsmæla gullkarfa á þekktum gotstöðvum með samanburði afla í bortvörpu og bergmálsgilda.

Í ferðinni voru einnig gerðar tilraunir með Fiskigreini sem Stjörnu-Oddi hefur þróað í samstarfi við Hafró og Hampiðjuna.

Hægt er að lesa meira um leiðangurinn á vefsíðu Hafró

Togað með fráleyst í karfaleiðangriKannað hvort hægt sé að bergmálsmæla gullkarfa á þekktum gotstöðvumHafrannsóknastofnunHafrannsóknastofnun

Er hægt að bergmálsmæla gullkarfa á þekktum gotstöðvum?

Í dag er sumardagurinn fyrsti samkvæmt fornu, íslensku tímatali. Stjórn Brims óskar starfsmönnum félagsins og fjölskyldum þeirra gleðilegs sumars.

Gleðilegt sumar

Brim hf. og Akraneskaupstaður hafa skrifað undir samning um framhald á starfsemi Breiðar þróunarfélags til næstu þriggja og hálfs ára eða til loka árs 2026.

Breið þróunarfélag var stofnað í júlí 2020 og eru aðilar sammála um að verulegur og jákvæður árangur hafi verið af samstarfinu frá stofnun þess. Þann árangur má m.a. sjá í uppbyggingu nýsköpunarseturs og nýjum störfum sem hafa skapast á Akranesi í ýmsum greinum en þó aðallega rannsóknum og þróun. Varðandi þróun Breiðarinnar liggja fyrir niðurstöður hugmyndasamkeppni og vinningstillaga sem aðilar eru sammála um að leggja til grundvallar framtíðaruppbyggingu á svæðinu.

Akraneskaupstaðar og Brim eru sammála um að næsti áfangi samstarfsins um Breið þróunarfélag skuli gilda frá undirritun samkomulags þessa til ársloka 2026.  Eftirfarandi atriði eru sameiginleg markmið á árunum 2023 – 2026:

 1. Áfram verði unnið að því að efla starfsemi Breiðar þróunarfélags sem vettvangs nýsköpunar og frumkvöðlastarfs þar sem áhersla verður m.a. lögð á rannsóknir og nýtingu auðlinda hafsins, aðgerðir gegn súrnun sjávar og aðgerðir í loftslagsmálum til að mæta markmiðum Íslands í loftslags- og umhverfismálum.
 2. Sameiginlega verði unnið að breytingum á aðalskipulagi Breiðarinnar og nýju deiliskipulagi á grundvelli vinningstillögunnar „Lifandi samfélag við sjó“ sem unnin var af  arkitektastofunni Arkþing/Nordic og Eflu verkfræðistofu.  Það er markmið aðila að skipulagsvinnu verkefnisins ljúki á árinu 2025.

Framkvæmdastjóri félagsins er Valdís Fjölnisdóttir og í stjórn sitja: Gísli Gíslason, starfandi stjórnarformaður, Sævar Freyr Þráinsson, bæjarstjóri Akraneskaupstaðar og Inga Jóna Friðgeirsdóttir, fjármálastjóri Brims.

Brim og Akraneskaupstaður ánægð með árangur af samstarfinu um Breið þróunarfélag og semja um framhald

Brim hf. og  Yggdrasill Carbon ehf. (YGG) hafa undirritað samstarfssamning í tengslum við kolefnisbindingarverkefni Brims á Vopnafirði sem unnið er með Vopnafjarðarhreppi og umhverfis-, orku- og loftlagsráðuneytinu og á að stuðla að kolefnishlutleysi í sveitarfélaginu.

YGG er félag sem sérhæfir sig í framleiðslu vottaðra kolefniseininga með samstarfi við landeigendur, fjármögnunaraðila, fyrirtæki og opinbera aðila sem vilja að kolefnisjöfnun sín skili afleiddum ávinningi í íslenskt efnahagslíf. YGG er eina fyrirtækið sem hefur fengið verkefni vottað á grundvelli Skógarkolefnisstaðals Skógræktarinnar og er einnig með verkefni sem eru í vottunarferli hjá Gold Standard.

Skógræktarverkefnið á Voppnafirði er eitt af skrefum sem Brim hefur stigið til ábyrgrar auðlindanýtingar og skynsamlegra loftlagsaðgerða en félagið rekur þar öfluga uppsjávarvinnslu. Brim hefur mótað sér umhverfis- og loftlagsstefnu og undirritað sameiginlega stefnu SFS um samfélagsábyrgð. Stefnumörkun félagsins grundvallast á heimsmarkmiðum Sameinuðu þjóðanna um sjálfbæra þróun.

Brim og YGG í samstarf um framleiðslu vottaðra kolefniseininga

,,Það rættist úr þessu eftir því sem leið á. Við erum með 620 milljón króna aflaverðmæti í túrnum og það er nokkuð gott í ljósi þess að það var leiðindaveður allan tímann. Stöðugar brælur og sjaldan sem við fengum góða daga til að athafna okkur. Maður ætti e.t.v. ekki að segja mikið. Við erum komnir vel inn í Faxaflóann og hér eru norðan 30 metrar á sekúndu og skítakuldi,” sagði Arnar Haukur Ævarsson, skipstjóri á frystitogaranum Örfirisey RE, er við náðum tali af honum í gær.

Örfirisey hefur undanfarnar vikur verið að veiðum í norsku lögsögunni í Barentshafi og að sögn Arnars Hauks var skipið aðallega á Hjelmsöybanka, Fugöydýpi og norður af Nordkappbanka. Mikið vetrarveður var á þessum slóðum og bræla frá fyrsta degi.

,,Um 80% aflans var þorskur. Þetta var enginn vertíðarfiskur, eins og við hefðum kosið, en allt góður þriggja til þriggja og hálfs kílóa þorskur. Svo vorum við með um 80 tonn af ýsu og aðrar tegundir með. Alls var aflinn um 1.200 tonn upp úr sjó og í afurðum talið voru þetta 430 tonn. Afurðirnar eru jafn misjafnar og þær eru margar.”

Arnar Haukur segir að fá íslensk skip hafi verið í Barentshafi en fjöldi norskra skipa og rússnesk skip hafi verið sérstaklega áberandi.

,,Auk okkar var Sólberg ÓF að veiðum sem og Björgvin EA og Harðbakur EA en tvö síðast nefndu skipin landa öllum afla til vinnslu í Honningsvåg í Norður-Noregi,” segir Arnar Haukur.

Byrjað verður að landa úr Örfirisey snemma í dag en skipið stoppar aðeins í hálfan annan  sólarhring í Reykjavík áður en haldið verður aftur norður í Barentshaf.

,,Það verður farið til að ná í eftirstöðvar kvótans. Mér skilst að við séum búnir að veiða rúmlega helming úthlutaðs afla. Það hefði verið best að landa í Noregi en það hefði sparað okkur átta til níu daga í siglingu. Við skoðuðum löndun á Vopnafirði en það hentaði ekki vegna loðnuskipanna. Heimahöfnin varð því fyrir valinu,” segir Arnar Haukur Ævarsson en hann fer nú í frí eftir að hafa staðið vaktina síðustu 40 daga. Skipstjóri í næstu veiðiferð verður Ævar Smári Jóhannsson.

620 milljón króna aflaverðmæti í Barentshafi

Árs- og sjálfbærniskýrsla Brims er komin út. Þetta er í sjötta árið í röð sem Brim gerir grein fyrir ófjárhagslegum þáttum starfsemi sinnar á ítarlegan hátt, en skýrslan fjallar um starfsemi félagsins og áhrif á umhverfi og samfélag, auk þess sem farið er yfir ársreikning félagsins. Meðal nýjunga í ár er greining á kolefnisspori afurða niður á tegundir uppsjávarafla, en losun vegna frystra uppsjávarafurða Brims er mjög lág í samanburði við flestar aðrar matvörur.

Skýrsluna er að finna á heimasíðu Brims

Árs- og sjálfbærniskýrsla Brims 2022 komin út

,,Ég held að menn gerðu margt vitlausra en að grennslast fyrir um það með örmerkjum hvaðan stórufsinn kemur. Stórufsi hefur ekki sést svo vikum skiptir á vertíðinni en svo kom gott skot í veiðina á Eldeyjarbankanum í lok síðustu viku. Við vorum að fá átta til tólf tonn af fimm til sjö kílóa ufsa í holi en yfirleitt toguðum við í tvo og hálfan og upp í fjóra og hálfan tíma í senn.”

Þetta segir Heimir Guðbjörnsson, skipstjóri á ísfisktogaranum Helgu Maríu AK. Togarinn er kominn á miðin að nýju og er nú staddur á Belgableyðunni, sunnan við Eldeyjarbankann.

,,Við erum á öðru holi og ufsaveiðin hefur tregast til muna. Við erum að fá um eitt tonn af stórufsa á togtímann og ætlum að halda okkur á þessum slóðum í von um að ufsaaflinn glæðist aftur,” segir Heimir en hann segist hafa byrjað síðasta túr á Eldeyjarbankanum og Fjöllunum.

,,Þar var þorskur, karfi og ýsa en stórufsinn var ekki mættur að ráði. Við fengum um tonn af ufsa á tímann en fréttir bárust þá af ágætri þorsk- og ýsuveiði með ufsa í bland á Tánni og Selvogsbankanum. Við fórum því þangað og fengum upp í þrjú tonn af stórufsa í holi með þorskinum og ýsunni. Þetta var þó skammgóður vermir og við hrökkluðumst í burtu í 20 m/sek og nístingsfrosti,” segir Heimir en um svipað leyti bárust fréttir af hinni góðu stórufsaveiði á Eldeyjarbankanum.

,,Þessi hrota er búin í bili en við bíðum rólegir eftir næstu gusu. Þetta verður stuttur túr hjá okkur. Við eigum að vera í höfn í Reykjavík snemma á föstudagsmorgun en það þýðir að við getum verið að veiðum næstu tvo sólarhringana. Það er hægara í dag en í langan tíma og vindurinn á enn að ganga niður á morgun,” segir Heimir Guðbjörnsson.

Gott stórufsaskot á Eldeyjarbankanum

,,Ég veit ekki, frekar en aðrir, hvar ufsinn heldur sig þessa dagana. Hann er alveg týndur. Vertíðarufsinn hefur ekki skilað sér og við þökkum fyrir ef við sjáum hann í stykkjatali. Hins vegar virðist vera nóg af þorski og ýsu á helstu miðum og gullkarfinn er bókstaflega um allan sjó,” segir Árni Gunnólfsson, skipstjóri á frystitogaranum Vigra RE.

Vigri kom til hafnar í Reykjavík í morgun eftir tiltölulega skamman tíma á veiðum. Um er að ræða svokallaða millilöndun og var aflinn um 11-12 þúsund kassar af fiski en það samsvarar um 300 tonnum af fiski upp úr sjó.

,,Við höfum verið að veiðum suður og suðvestur af Reykjanesi og aflinn er ágætur. Við fengum smávegis af djúpkarfa vestur af Matthildi og við reyndum einnig fyrir okkur á Tánni og Selvogsbanka. Það var mjög blandaður afli á Tánni. Mest ýsa en einnig þorskur, gullkarfi og smávegis af ufsa. Ástandið annars staðar er svipað nema ufsann vantar alveg. Svipaðar fréttir berast frá Vestfjarðamiðum. Á Halanum hefur oft verið þokkaleg ufsaveiði á þessum árstíma en nú sést ufsinn ekki. Hins vegar flæðir gullkarfi þar yfir og hans hefur orðið vart niður á um 250 faðma dýpi,” segir Árni.

Að sögn Árna er hann ekki sammála mati margra að Fjöllin séu alveg dauð.

,,Það er auðvitað gullkarfi þar og nóg af þorski. Það eru tegundir sem menn eru ekki að leita að. Allt snýst um að finna og veiða ufsann. Við förum aftur út í kvöld og mér kæmi ekki á óvart að við yrðum látnir eltast áfram við ufsann hér syðra,” segir Árni Gunnólfsson en þess má geta að veiðiferðinni á að ljúka 30. mars nk.

Ufsinn er alveg týndur

Undirbúningur er hafinn fyrir sjómannadaginn sem haldinn verður hátíðlegur í Reykjavík sunnudaginn 4. júní nk.

Það eru Brim, Faxaflóahafnir og Sjómannadagsráð sem standa að hátíðarhöldunum við höfnina í Reykjavík þar sem öllu er tjaldað til og engu til sparað.

“Sjómannadagurinn er dagur okkar allra og skipar hann stóran sess meðal landsmanna. Hér áður fyrr skipti miklu fyrir sjómenn að fá þennan dag, enda eru þeir oft fjarri heimahögum þegar flestir eiga frí. Sjómönnum finnst líka mikil upphefð að eiga sérstakan dag og geta kynnt líf sitt og störf fyrir almenningi, hvernig við nýtum sjóinn sem matarkistu og til flutninga svo eitthvað sé nefnt“, segir Aríel Pétursson, stjórnarformaður Sjómannadagsráð.

Samstarfssamningur við skipuleggjendur dagsins var undirritaður á dögunum í húsakynnum Brims auk þess sem vinnsluaðstaðan var skoðuð.

“Við hjá Brim erum mjög stolt að taka þátt í hátíðarhöldunum á sjómannadaginn. Þetta er dagurinn þar sem öll fjölskyldan fer saman niður að höfn og sér margt áhugavert og skemmtilegt tengt sjávarútveginum. Já og auðvitað fiskisúpan vinsæla sem kokkurinn okkar snarar fram í tilefni dagsins og gestir fá að smakka.” segir Rebekka Guðmundsdóttir, aðstoðarmaður forstjóra Brims.

Sjómannadagurinn er einn af stærri hátíðisdögunum í Reykjavík á ári hverju, enda leggja að jafnaði tugir þúsunda gesta leið sína á hafnarsvæðið við Gömlu höfnina og Grandagarð ár hvert.

„Við ætlum að gera daginn eftirminnilegan fyrir gesti og gangandi enda tókst hann einstaklega vel í fyrra þar sem hann fór fram í rjómablíðu og metfjöldi gerði sér ferð út á Granda og naut alls þess sem var í boði”, segir Helgi Laxdal, sviðsstjóri hjá Faxaflóahöfnum.

Nú eru um 3 mánuðir til stefnu og er undirbúningurinn hafinn. Fyrirtækið Eventum hefur veg og vanda að skipulagningu viðburðanna og segir Anna Björk Árnadóttir, framkvæmdastýra að áhersla verði sett á að bjóða eitthvað skemmtilegt og spennandi fyrir alla fjölskylduna, enda sé  sjómannadagurinn fjölskylduhátíð fyrst og fremst.

Nánari upplýsingar veitir Elísabet Sveinsdóttir, kynningarstjóri sjómannadagsins, í síma 8407145. Netfang: elisabsv@gmail.com

Sjómannadagurinn undirbúinn

Árs- og samfélagsskýrsla Brims verður gefin út á næstu vikum. Í skýrslunni er áhrifum Brims á umhverfi og samfélag gerð skil. Samstarf við íslenska ríkið og sveitarfélög er mikilvægt í því samhengi. Á dögunum undirrituðu Guðlaugur Þór Þórðarson, umhverfis-, orku- og loftslagsráðherra, Sara Elísabet Svansdóttir, sveitarstjóri Vopnafjarðarhrepps og Guðmundur Kristjánsson, forstjóri Brims, samstarfsyfirlýsingu sem kveður á um að umhverfis-, orku- og loftslagsráðuneytið, Vopnafjarðarhreppur og Brim hf. hrindi í framkvæmd aðgerðum til að stuðla að kolefnishlutleysi í sveitarfélaginu.

Markmið stjórnvalda um samdrátt í losun gróðurhúsalofttegunda og markmið um kolefnishlutleysi og full orkuskipti kallar á skýra sýn og nýja nálgun sem mun byggja á markmiðum fyrir einstaka geira atvinnulífsins, aukna áherslu á loftslagshagstjórn og forgangsröðun í þágu loftslagsmarkmiða á öllum sviðum samfélagsins.

Til að þessum markmiðum verði náð er mikilvægt er að tryggja samstarf ríkis, sveitarfélaga og atvinnulífs. Í því samstarfi þarf að leggja áherslu á aðgerðir til þessa að hraða orkuskiptum, uppbyggingu hleðsluinnviða fyrir þungaflutninga, landtengingu skipa, orkunýtingu og möguleika til aukinnar matvælaframleiðslu, kolefnisbindingar og nýtingu á lífrænum úrgangi.

Guðlaugur Þór Þórðarson, umhverfis-, orku- og loftslagsráðherra:„Íslensk stjórnvöld hafa sett sér metnaðarfull markmið í loftslagsmálum og til að þau náist þurfa allir að leggja sitt af mörkum. Ég fagna því frumkvæði sveitarfélagsins og Brims að hrinda í framkvæmd aðgerðum sem stuðla að kolefnishlutleysi.“

Sara Elísabet Svansdóttir, sveitarstjóri Vopnafjarðarhrepps:„Vopnafjarðahreppur fagnar þessu samstarfi við Brim og ráðuneytið varðandi aðgerðir til að stuðla að kolefnishlutleysi í Vopnafjarðarhreppi og hlakkar til samstarfsins.“

Guðmundur Kristjánsson, forstjóri Brims:„Til að ná markmiðum í umhverfis- og loftlagsmálum er skynsamlegt að hafa samvinnu og þess vegna fagnar Brim þessu samstarfi við stjórnvöld og Vopnfirðinga. Það hraðar vonandi nauðsynlegum aðgerðum og færir alla nær sameiginlegum markmiðum. Skynsöm nýting auðlinda leggur grunninn að starfsemi Brim og félagið mun leggja sitt af mörkum til ábyrgrar auðlindanýtingar og skynsamlegra loftslagsaðgerða. Brim hefur sett skýr umhverfismarkmið og tekið saman kolefnisspor félagsins frá árinu 2015 og þá birtir félagið árlega umhverfisuppgjör.“

Stefnt að kolefnishlutleysi í Vopnafjarðarhreppi

,,Við erum búnir að vera 13 daga á veiðum og komnir með um 500 tonn af fiski upp úr sjó. Hér hafa verið miklir umhleypingar í og t.a.m. er nú búið að vera brjálað veður í um sólarhring. Mér skilst að veðrið eigi að ganga niður í kvöld en þar til verður lítið um veiði,” segir Arnar Haukur Ævarsson, skipstjóri á frystitogaranum Örfirisey RE, en skipið er nú að veiðum í norskri lögsögu í Barentshafi.

Að sögn Arnars Hauks hefur ótíðin valdið því að menn hafa víða leitað fyrir sér.

,,Við erum nú á Nordkappbanka en lengst austur og í leiðinni í norður höfum við farið á svokallaðan Marshrygg eða nánar til tekið á 73°15´N og 28°40´A.”

Arnar Haukur segir að kvótinn sé gefinn út í þorski og megi hlutfall aukaafla vera allt að 30%. Það sé misjafnt hve mikið megi veiða af öðrum tegundum en þorski. Þannig megi ufsa- og ýsuaflinn vera allt að 48-49% á meðan karfaaflinn megi ekki fara yfir 20%. Gullna reglan er sú að þorskur verði alltaf að vera í meirihluta í hverju einasta holi.

,,Þetta er ágætis fiskur sem við höfum verið að fá. Hann er vel haldinn af loðnuáti en við höfum nokkuð víða orðið varir við loðnu. Þorskurinn er á stærðarbilinu þrjú til fjögur kíló en maður sér alveg stöku vertíðarþorska inni á milli í aflanum,” segir Arnar Haukur en hann segir mikinn fjölda skipa á svæðinu stundum koma í veg fyrir að meiri afli fáist.

,,Hér er fjöldi Rússa auk heimamanna og Færeyinga og eins og gerist þá eru skipstjórnarmenn allra skipa fljótir að bregðast við aflafréttum. Því dregur oftar en ekki hratt úr veiðinni.”

Að sögn Anars Hauks eru fjögur íslensk skip nú á svæðinu. Auk Örfiriseyjar eru það nýi frystitogarinnn Sólberg ÓF og svo Björgvin EA og Harðbakur EA.

,,Sólberg fer áleiðis heim á leið á morgun en mér skilst að Harðbakur og jafnvel Björgvin muni landa ferskum afla í vinnslu í Honningsvåg. Sjálfir eigum við að koma til hafnar á Íslandi 23. mars en ég reikna með því að það taki tvo túra að veiða þorskkvóta Brims hér í norsku lögsögunni,” segir Arnar Haukur Ævarsson.

Miklir umhleypingar en ágætur afli þegar gefur

,,Það hefur verið gott fiskerí í kantinum á Eldeyjarbankanum en það sama verður ekki sagt um suma staði hér á miðunum út af Reykjanesskaganum. Það er engin vetrarvertíðarstemning í þessu ennþá. Við bíðum eftir því að vertíðin bresti á af fullum þunga,” segir Óli Grétar Skarphéðinsson, sem verið hefur skipstjóri á ísfisktogaranum Akurey AK að undanförnu.

Akurey er nú í höfn í Reykjavík og var heildaraflinn í síðustu veiðiferð um 135 tonn. Uppistaða aflans var þorskur, þá gullkarfi, djúpkarfi og ufsi. Þorskurinn var að jafnaði um fjögur kíló að þyngd. Mjög góður fiskur eins og skipstjórinn orðar það.

,,Við vorum mest að veiðum í kantinum á Eldeyjarbankanum í síðasta túr. Það var fínasta veiði en ég viðurkenni alveg að það var erfitt að forðast það að fá of mikið af gullkarfa með þorskinum. Þarna er mjög mikið af karfa,” segir Óli Grétar en meðal annarra staða, sem farið var á, má nefna Eldeyjarboða, Fjöllin, Matthildi og Litlabanka.

,,Ferðin suður á Matthildi og Litlabanka skilaði okkur m.a. 15 tonnum af djúpkarfa en það er nánast ördeyða á Eldeyjarboða og Fjöllin eru alveg nakin, ef svo má að orði komast. Til marks um það get ég nefnt að við toguðum þar í fjóra og hálfan tíma og afraksturinn var tvö kör af gullkarfa! Ég held að ég hafi ekki áður séð jafnmikla ördeyðu á Fjöllunum.”

Eins og fram kemur í máli Óla Grétars þá vantar enn allan vertíðarkraft í veiðina. Ekki hefur orðið vart við stórufsann enn sem komið er og kraft vantar í þorskgöngurnar upp á grunnin.

,,Það kom reyndar stutt skot í ufsaveiðina á Tánni á dögunum. Við misstum af því stórufsasýnishorni og bíðum enn eftir að vertíðin bresti á,” segir Óli Grétar Skarphéðinsson en áður en hann réðist alfarið til Brims var hann um árabil hjá Útgerðarfélagi Reykjavíkur. Þar var hann á skipum eins og Kleifabergi, Guðmundi í Nesi og Sólborgu en síðast nefnda skipið er nú í slipp í Hafnarfirði.

Beðið eftir að vertíðin bresti á

,,Það er gríðarlegt magn af gullkarfa um allan sjó og ég forðast að hugsa þá hugsun til enda hvað ógöngum við værum í ef við sýndum ekki nauðsynlega varkárni,” segir Kristján E. Gíslason (Kiddó), skipstjóri á ísfisktogaranum Viðey RE, en skipið var í höfn í Reykjavík í gær. Aflinn var um 110 tonn og fékkst bróðurparturinn síðasta sólarhringinn á Eldeyjarbanka.

,,Ef það er einhver eftirsjá þá hefði ég gjarnan viljað vera kominn suður sólarhring fyrr,” segir Kiddó en hann segist hafa byrjað veiðiferðina á Vestfjarðamiðum.

,,Þar var ekkert að hafa nema vind. Engin veiði, bara vindur og nóg af honum. Við byrjuðum í Víkurálnum. Þar hafði verið gott þorskskot í þrjá daga en þorskurinn var genginn hjá þegar okkur bar að garði. Það var gríðarlegt magn af gullkarfa alls staðar í Víkurálnum og eina leiðin til að stunda þarna veiðar var að sneiða hjá karfanum,” segir Kiddó.

Frá Víkurálnum var haldið norður í Þverál en þar var sama sagan og í Víkurálnum. Bullandi bræla en enginn þorskur eða ufsi.

,,Það er freistandi að halda að sá þorskur, sem orðið hefur vart við í Víkurálnum, sé hluti af göngu vestan úr hafi, í þessu tilviki sennilega frá Dohrnbankanum. Þetta er dæmigerður hrygningarþorskur, fjögurra til sex kílóa fiskur,” segir Kiddó. Þetta er mat fleiri gamalreyndra togaraskipstjóra hjá Brimi líkt og fram hefur komið hér á heimasíðunni.

Viðey endaði veiðiferðina á Eldeyjarbankanum.

,,Við vorum einskipa lengst af. Við fengum góðan þorsk og svo sýnishorn af þessum stóra vertíðarufsa. Ég gef honum þrjár vikur til að komast vel inn í veiðina. Um miðjan mars er hans tími.”

,,Enginn gullkarfi?”

,,Jú, biddu fyrir þér. Við gætum ekki dregið trollið í klukkutíma án þess að allt endaði með ósköpum ef við færum ekki varlega,” segir Kristján E. Gíslason (Kiddó).

Varkárnin hefur alveg bjargað okkur

Ísfisktogarinn Helga María AK kom til hafnar í Reykjavík í byrjun vikunnar. Það var vonum fyrr en upphaflega stóð til en togarinn var kallaður til hafnar vegna veðurs.

Að sögn Friðleifs Einarssonar (Leifs), skipstjóra, var afleitt veður í túrnum.

,,Við hófum veiðar á Eldeyjarbanka en þar var ekkert að hafa svo við fórum á Fjöllin og þar vorum við þar til við vorum kallaðir heim. Við vorum aðeins tvo sólarhringa á veiðum en í raun náðum við bara nokkrum klukkutímum í senn á milli þess sem veðrið rauk upp eða gekk aðeins niður,” segir Leifur en hann segist þó ekki geta verið annað en sáttur við aflann þessa tvo daga.

,,Við vorum með um 55 tonn af fiski. Tæplega helmingur aflans var ufsi og svo vorum við gullkarfa og eitthvað bland af öðrum tegundum. Ufsinn er góður. Þetta er þessi hefðbundni vertíðarfiskur og það var nokkuð komið af hrognum í þennan fisk.”

Leifur segir að farið verði út að nýju seinna í dag.

,,Ég veit ekki enn hvert stefnan er sett en ég reikna með því að það verði norður á Vestfjarðamið. Reyndar heyri ég að það sé eitthvað ástand á fisknum þar. Lítið að hafa en maður veit aldrei. Aflinn gæti rokið fyrirvaralaust upp. Maður vonar bara að veðrið verði til friðs,” segir Leifur en hann segir ekki annað hægt en að vera ánægður heilt yfir með aflabrögðin frá áramótum. Janúar hafi almennt verið fínn og það sé aðeins nú í byrjun febrúar að veðráttan hafi sett strik í reikninginn.

Kallaðir í land vegna veðurs

Byrjað var að landa úr frystitogaranum Vigra RE í Reykjavík í morgun eftir fyrstu veiðiferð ársins. Aflinn var rúmlega 700 tonn af fiski upp úr sjó að verðmæti um 350 millljóna króna.

,,Ég er mjög sáttur við árangurinn, ekki síst vegna árstímans. Í janúar getur maður átt von á öllu. Reyndar var veðrið ágætt framan af veiðiferðinni en upp á síðkastið hefur það verið afleitt og við þurftum tvívegis að leita vars vegna veðurs,” segir Árni Gunnólfsson skipstjóri.

Árni segist hafa byrjað veiðiferðina á Reykjanesgrunni.

,,Við byrjuðum á að leita að ufsa. Hann hefur verið erfiður við að eiga síðustu vikurnar en við getum ekki kvartað enda vorum við um 240 tonn af ufsa í veiðiferðinni. Við fórum þó mjög víða að þessu sinni,” segir Árni en meðal hafsvæða, sem Vigri fór á, voru Austfjarðamið en fátítt er að Reykjavíkurtogararnir fari austur fyrir land.

,,Austfirsku togararnir stunda þessi mið og þeir hafa m.a. verið að fá þorsk í Seyðisfjarðardjúpinu. Við fórum þangað en urðum ekki mikið varir við þorsk. Aflinn var mest bland í poka, ufsi, ýsa og karfi. Reyndar er ýsa alls staðar til vanda enda er hún um allan sjó. Þetta voru því aðgæsluveiðar hjá okkur því ekki vildum við fá of mikið af ýsu.”

Vigri fór ekkert á Vestfjarðamið að þessu sinni og eftir að hafa þvælst um Austfjarðamið var aftur haldið á miðin út af Reykjanesi.

,,Við reyndum við djúpkarfa í Skerjadjúpinu og eins út af Matthildi. Það er ekki hægt að vera óánægður með djúpkarfaaflann í túrnum. Við vorum með um 100 tonn af djúpkarfa en þann afla fengum við mest í Skerjadjúpi og út af Matthildi en einnig í Litladjúpi fyrir austan. Við urðum varir við gulllax í Skerjadjúpinu en leituðum ekkert sérstaklega að honum enda stóð ekki til að veiða gullax í túrnum,” segir Árni en hann segist hafa endað veiðiferðina á Flugbrautinni SV af Snæfellsnesi.

,,Þar fengum við ágætan afla, ýsu, ufsa, gullkarfa og þorsk,” segir Árni Gunnólfsson.

Góð veiðiferð miðað við árstíma

Það eru ekki margir, sem gegnt hafa sama starfinu í rúma hálfa öld, sem eru enn fremstir meðal jafningja. Einn þessara manna er Jóhannes Ellert Eiríksson, eða Elli eins hann er alltaf kallaður, skipstjóri á ísfisktogaranum Viðey RE. Elli fer í síðustu veiðiferðina í kvöld en í vor verða liðin 52 ár frá því að hann réð sig á síðutogarann Þormóð goða RE, sem Bæjarútgerð Reyjavíkur (BÚR) gerði út, undir skipstjórn Magnúsar Ingólfssonar.

Elli hefur um árabil verið sá togaraskipstjóri sem skilað hefur flestum tonnum af fiski á land, stundum meira er 10.000 tonnum af botnfiski á ári, og hann hristir bara höfuðið þegar hann er spurður þeirrar spurningar hvaða galdur liggi á bak við þessa ótrúlegu aflasæld.

,,Af fullri einlægni get ég svarað að ég hef ekki minnstu hugmynd um það. Ég hef aldrei haft það að markmiði að verða aflahæstur. Þú spyrð um galdurinn. Ef hann er til á annað borð hlýtur hann að felast í því að mér hefur alltaf fundist jafn gaman og spennandi að hefja nýja veiðiferð og mér þótti það vera fyrir rúmri hálfri öld. Þetta er alltaf ný áskorun. Ef það er til einhver galdur á bak við það, sem ég er að gera, þá gæti hann falist í þessu, þeim harðduglegu og góðu sjómönnum, sem ég hef unnið með, og þeim frábæru fyrirtækjum sem ég hef starfað fyrir. Ég veit ekki hver tekur við af mér en Kiddó (Kristján E. Gíslason), sem hefur verið skipstjóri þegar ég er í fríi, á það fyllilega skilið, að mínu mati,” segir Elli.

Sveitastrákur úr Kjósinni

Það lá ekki beint við að Elli gerði sjómennskuna að sínu ævistarfi. Að honum standa bændafjölskyldur í Kjósinni. Hann er frá Meðalfelli í Kjós, þar sem faðir hans er fæddur og uppalinn, og móðir hans er frá Káranesi í Kjós. Örstutt er á milli bæjanna.

,,Sennilega hafa bústörfin ekki heillað mig en einhvern veginn var það svo að sjórinn togaði í mig og sjómennskan lá beint við. Mér hefur alltaf liðið vel á sjó en ég verð sjötugur á árinu og finn það á mér að það er rétt að hætta á þessum tímapunkti.”

Elli var ekki búinn að vera lengi til sjós þegar hann fór yfir á togarann Jón Baldvinsson RE, sem BÚR gerði einnig út, með Snorra Friðrikssyni sem þá var skipstjóri. Hjá Snorra varð Elli síðar stýrimaður og hann tók svo við skipstjórn árið 1983.

,,Það má geta þess að þetta skip er enn gert út í Chile, þangað sem það var á sínum tíma selt, og gott ef það er ekki búið að breyta því tvisvar eða þrisvar sinnum,” segir Elli.

Skipstjóri á Ottó N. Þorlákssyni RE í 22 ár

Árið 1995 tók Elli við skipstjórn á togaranum Ottó N. Þorlákssyni RE, sem BÚR, og síðar Grandi og HB Grandi, gerði út en með Ottó N. Þorláksson var Elli með allar götur fram til 2017 er Viðey RE kom ný í flotann.

,,Það er ofsögum sagt að Ottó sé gott sjóskip. Hann er þungur en manni leið þokkalega um borð. Hins vegar voru það gífurleg viðbrigði að fara yfir Viðey. Það skip haggast varla í verstu vetrarveðum og eftir á að hyggja er það e.t.v. mín allra mesta gæfa á sjómennskuferlinum að fá að hætta á jafn flottu skipi og Viðey svo sannarlega er,” segir Elli en hann segir að sjóhæfni Viðeyjar hafi komið vel í ljós í nýafstaðinni veiðiferð.

,,Það var haugabræla allan túrinn utan hvað það dúraði tvisvar í nokkra klukkutíma í senn. Þrátt fyrir þetta fór skipið vel með áhöfnina og hefði maður ekki vitað betur þá hefði maður getað haldið að það væri nokkuð gott í sjóinn. Því miður vorum við sendir annan janúartúrinn okkar á miðin sunnanvert við Reykjanes eða í fjósið sem við köllum svo. Aflabrögðin voru léleg og veðrið enn verra. Ég gleymi öllum aflatölum um leið og hugsa aldrei um þær. Ég reyni bara að gera mitt besta hverju sinni,” segir Elli en svo öllu sé til haga haldið þá var aflinn í túrnum um 80 tonn, mest djúpkarfi og gullkarfi.

Kvíði ekki steininum

Jóhannes Ellert Eiríksson sest senn í svokallaðan helgan stein og hann segist ekki kvíða steininum eða þessum áfanga.

,,Ég er feginn og finn mér örugglega eitthvað til að sýsla við. Það er alls ekki á stefnuskránni að lækka forgjöfina í golfi. Margt er mun verðugra. Í augnablikinu óska ég mér þess eins að við verðum sendir á Vestfjarðamið í þessari síðustu veiðiferð. Hafísinn hlýtur að vera horfinn af slóðinni og fiskurinn bíður.”

Hættir eftir 52 ára farsælan sjómannsferil

Brim hefur sett sér skýr markmið í umhverfismálum, sem fjallað er um í árs- og sjálfbærniskýrslu félagsins. Brim hefur gefið slíka skýrslu út frá árinu 2017. Uppbygging hringrásarhagkerfis er meðal þeirra markmiða sem Brim hefur sett sér og hafa góð nýting hráefna og ábyrg meðferð á úrgangi verið leiðarljós félagsins í því samhengi. Fyrsta flokkunarstöð úrgangs var sett á fót árið 2008 á Vopnafirði og rekur Brim í dag þrjár fullbúnar flokkunarstöðvar. Upplýsingar um flokkun og afdrif úrgangs streyma rafrænt í umhverfisstjórnunarkerfi Brims og nýtast til umbótaverkefna og nýsköpunar.

Árangur af þessari stefnu er meðal annars minni losun gróðurhúsalofttegunda, en losun vegna úrgangs var 252 tonn CO2 ígilda árið 2022, samanborið við 486* tonn CO2 ígilda árið 2017. Fjallað er um stefnu og aðgerðir Brims tengt hringrásarhagkerfi úrgangs í þessu stutta myndbroti.



*Losunarstuðlar Umhverfisstofnunar vegna úrgangs voru uppfærðir árið 2021. Útreikningar á losun vegna úrgangs árið 2017 byggja á þeim stuðlum sem eru í gildi í dag.

Kolefnisspor úrgangs minnkar

Hafís hamlar nú veiðum allt frá Þverálshorni og Halanum suður á Barðagrunn. Heimir Guðbjörnsson, skipstjóri á ísfisktogaranum Helgu Maríu AK, segir hafísinn ná alveg upp að 12 mílum frá landi og þó þetta sé mest þunnur lagnaðarís þá séu ísspangirnar á milli þykkar. Þær komi í veg fyrir togveiðar.

,,Við fórum frá Reykjavík á föstudagkvöld. Það var vitað af góðum aflabrögðum í Þverál og Heiðardalnum en aflinn var dottinn niður þegar við komum. Við héldum okkur þó í blönduðum afla í Þverálnum sem var mest ýsa en einnig þorskur. Eitthvað fengum við líka af ufsa og karfa. Þegar hafísinn kom sáum við okkar óvænna og færðum okkur sunnar. Við vorum á Kögurgrunni þar sem var ýsuafli. En ýsan í aflanum jókst jafnt og þétt og við urðum því að færa okkur, segir Heimir en er rætt var við hann var Helga María stödd á vesturhorni Víkuráls.

,,Hér höfum við fundið stóran og góðan þorsk, 4,5 til rúmlega 5,0 kíló, en þessi þorskur er greinilega að koma frá Dohrnbankanum og er á leið inn í Breiðafjörð og Faxaflóa til hrygningar. Það er ekki mikið af hrognum í þessum fiski og það bendir til að hann eigi eftir nokkrar vikur fram að hygningu.”

Heimir segir að tvö síðustu hol hafi skilað 20 tonnum af þorski. Engin önnur skip eru á svæðinu ef Hrafn Sveinbjarnarson GK er undanskilinn en það skip er á austurhorni Víkuráls. Heimir segir að fréttir berist þaðan um aukna ýsugengd.

,,Við erum komnir með um 65 tonna afla. Markmiðið er að bæta við þá tölu. Það er tími til hádegis á morgun en við eigum að vera komnir í höfn í Reykjavík snemma á fimmtudagsmorgun. Ég býst ekki við skemmtisiglingu heim. Það er spáð leiðinlegri sunnan- eða suðvestanátt og það verður slæmt í sjóinn á heimleiðinni,” segir Heimir Guðbjörnsson.

Hafís kominn yfir Vestfjarðamið

Uppsjávarveiðiskipið Venus NS er nú á leið til heimahafnar á Vopnafirði með rúmlega 2.500 tonn af kolmunna. Kolmunninn í tönkum skipsins er feitur og gott hráefni en Kristján Þorvarðarson, skipstjóri, segir kolmunnan á því stigi að hann fari að rýrna fyrir komandi hrygningu.

,,Við vorum austan við Færeyjar en þangað er um 30 tíma sigling frá Vopnafirði. Það var töluverður fjöldi skipa á veiðisvæðinu en það kom á óvart að þarna voru aðeins tvö rússnesk skip. Undir venjulegum kringumstæðum væru þau um eða yfir 20 talsins. Ég veit ekki hvað veldur þessari fækkun en Rússar gerðu fullgilda samninga við Færeyinga um veiðarnar.”

Að sögn Kristjáns hefur aflinn sveiflast nokkuð að undanförnu.

,,Það voru mjög góðir dagar hjá okkur í túrnum og við fengum upp í 550 tonn eftir 12 til 13 tíma hol. Það jafngildir um 40 til 45 tonnum á togtímann sem er mjög gott. Við náðum að fiska fyrir hámarks kælingu þannig að hráefnið verður væntanlega fyrsta flokks,” segir Kristján en hann segir kolmunnaveiðina kærkomna á meðan beðið sé eftir því að loðna skili sér upp á grunnin við SA land.

,,Það eru tvö grænlensk skip á loðnuveiðum fyrir austan og mér skilst að það hafi verið eitthvað kropp hjá þeim. Við erum klárir til að hefja loðnuveiðar með skömmum fyrirvara þegar kallið kemur. Víkingur AK og Svanur RE eru á kolmunnamiðunum og geta komið með skömmum fyrirvara,” segir Kristján en hann býst við að koma til Vopnafjarðar nú síðdegis.

,,Það var komin norðan eða norðaustan bræla á miðunum þegar við fórum og nú er komið sunnan rok. Það er spáð brælu næstu tvo sólarhringana og það helst í hendur að veðrið ætti að ganga niður í þann veginn sem lokið verður við að landa,” segir Kristján Þorvarðarson.

Fínasta kolmunnaveiði síðustu daga

,,Árið byrjar alveg þokkalega á Vestfjarðamiðum, þótt það hafi oft verið meiri kraftur í veiðunum. Síðasti túr var reyndar góður, fín veiði og blíða allan tímann. Við vorum alls með um 160 tonn og þar af voru ríflega 100 tonn þorskur,” segir Jóhannes Ellert Eiríksson (Elli), skipstjóri á ísfisktogaranum Viðey RE.

Viðey var í höfn í Rykjavík í gær og er farin áleiðis á miðin. Það sem af er ári hafa verið farnar þrjár veiðiferðir, þar af einu sinni á SV-mið og tvisvar á Vestfjarðamið.

,,Fyrsta veiðiferð ársins var reyndar hálfgerð eyðimerkurganga. Við vorum sendir á SV mið og aflinn í þeim tegundum, sem við vildum veiða, var sáratregur. Það gekk svo mun betur hjá okkur á Vestfjarðamiðum í öðrum túrnum og það var fín veiði í síðasta túr.”

Elli segir að nú síðast hafi hann byrjað í Þverálnum og farið svo í svokallaðan Heiðardal. Á báðum stöðum var mjög góð þorskveiði og Elli segir að þorskurinn hafi verið mjög góður, 3,5 til 4,0 kíló að jafnaði.

,,Við enduðum svo á Halanum og reyndum þar að leita að ufsa. Það gekk upp og ofan en það var nóg af þorski alls staðar sem við fórum,” segir Elli eða Jóhannes Ellert Eiríksson eins hann heitir fullu nafni.

Sem fyrr segir fer Viðey aftur til veiða í kvöld en það þýðir að áhöfnin ætti að ná nokkrum góðum veiðidögum áður en boðuð lægð með einhverjum hlýindum og rigningu kemur inn á landið nk. föstudag.

Góð þorskveiði á Vestfjarðamiðum

Heilnæmi íslenskra sjávarafurða hefur enn og aftur verið staðfest, en Matís hefur á undanförnum áratugum vaktað styrk óæskilegra efna í afurðum úr fiski af Íslandsmiðum. Nýlega kom út skýrsla sem sýnir vel að styrkur óæskilegra efna í sjávarfangi er langt undir viðmiðunarmörkum, líkt og verið hefur síðan 2003, þegar vöktun á sjávarfangi hófst.  

Í samræmi við þetta er neysla sjávarfangs tvisvar til þrisvar í viku ráðlögð af Landlæknisembættisins, enda er fiskur góður próteingjafi og í honum eru ýmis önnur næringarefni, svo sem selen og joð.

Skýrslan, Niðurstöður sívirkrar vöktunar á óæskilegum efnum í sjávarfangi úr auðlindinni 2022, er aðgengileg á vef Matís.




Fréttir & fræðsla