Brim hefur ákveðið að setja af stað verkefnið "Brimsskólinn." Aðalmarkmið verkefnisins er að ná betur utan um fræðslu og starfsþróun starfsmanna innan samstæðu Brim. Brimsskólinn verði þannig kjarni starfsþróunar starfsfólks og um leið verkfæri þess og stjórnenda félagsins til að leita þekkingar með skipulögðum hætti. Fyrstu skref skólans voru tekin í samstarfi við Fisktækniskólann haustið 2022. Síðan er stefnt á að styrkja samstarf við Tækniskólann t.d. um starfsþjálfun og aðrar menntastofnanir sem starfsemi samstæðunnar kallar eftir og mikilvægt er að rækta til að tryggja árangur starfsmanna og félagsins til lengri framtíðar.

Eins er hafið samstarf Brimsskólans og LearnCove um að þróa hugbúnað sem nýtist við þjálfun og fræðslu starfsfólks Brims. Það fræðslukerfi verður rækilega kynnt fyrir starfsfólki áður en það verður tekið í notkun.

Slysaskráning á landi