Grálúða

Reinhard hippoglossoides

Grálúða er stór flatfiskur og getur náð allt að 1,2 m lengd. Grálúða líkist lúðu í vextinum og hún er dökkgrá á báðum hliðum ólíkt öðrum flatfiskum sem eru ljósir á annarri hliðinni og dökkir á þeirri hlið sem upp snýr.  Hægri hliðin snýr upp og er vinstra augað á hausröndinni. Hún er með stóran kjaft og beittar tennur, enda mikill ránfiskur. Fæða grálúðunnar er allskonar fiskar, t.d. loðna, en auk þess étur hún rækju, smokkfisk o.fl. Grálúða verður kynþroska 9 – 12 ára gömul. Grálúðan lifir á 250-1600 m dýpi í mjög köldum sjó, oft undir frostmarki. Hún er botnfiskur á leirbotni en flækist þó einnig mikið upp um sjó. Hún virðist vera sú flatfisktegund sem hvað minnst er háð botnlínu.